Ekonomıka • 23 Qańtar, 2020

Qus eti naryǵy jýyq arada qalaı damıdy?

29 retkórsetildi

Jaqyn arada qazaqstandyq óndirýshiler qus eti boıynsha ishki naryqtaǵy qajettilikti tolyǵymen qanaǵattandyra alady. Bul týraly elordada ótken «Qazaqstandaǵy qus eti naryǵynyń damýy» atty baspasóz máslıhatynda «Aitas KZ» AQ bas dırektory Serik Tolyqpaev aıtty.

Jıynda belgili bolǵandaı, 2019 jyly Qazaqstanda shamamen 220 000 tonna qus eti óndirilgen. Bul naryqtaǵy suranystyń tek 60 paıyzyn jabady. Qalǵan qajetti mólsher Reseı, AQSh jáne Ýkraına elderinen ákelinip jatyr. Osydan soń ótken jyly ımport shamamen 160 000 tonnany qurady. Bul degenimiz otandyq óndirýshiler úshin óndiris kólemin ulǵaıtyp, naryqtyń qajettiligin tolyǵymen qanaǵattandyrýda úlken perspektıvalar baryn ańǵartady.

Mal sharýashylyǵy salasyndaǵy sarapshy Serik Tolyqpaevtyń aıtýynsha, 2030 jylǵa qaraı Qazaqstan ishki naryqtyń qajettiligin tolyǵymen óteıdi. Sondaı-aq Qytaı, Ortalyq Azııa jáne Taıaý Shyǵys elderi sııaqty jaqyn aımaqtarǵa aıtarlyqtaı kólemde ónimdi eksporttaı alady.

Elimizdegi qus sharýashylyǵy salasyndaǵy kóshbasshylardyń biri «Aitas KZ» kompanııasy jergilikti óndirýshiler arasynda 20 paıyzdyq úleske ıe. 2019 jyly Makınsk jáne О́skemen qus fabrıkalarynda qus etiniń óndirisi shamamen 60 000 tonnany quraǵan. Aldaǵy 3-4 jylda kompanııa óndiristi 150 myń tonnaǵa deıin arttyrýdy josparlap otyr. О́tken jyly qabyldanǵan uzaq merzimdi strategııaǵa sáıkes, 2030 jylǵa qaraı kompanııa jylyna 900 000 tonna ónim óndirip, onyń 600 000 tonnasyn esporttaýdy kózdeıdi.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar