Qoǵam • 23 Qańtar, 2020

О́simdik sharýashylyǵyna erikti saqtandyrý engizildi

30 retkórsetildi

Bıyl agroónerkásip kesheninde erikti saqtandyrý týraly norma iske asyryla bastady. Aýyl sharýashylyǵyn qarjylaı qoldaý qory onyń operatory retinde qosymsha qyzmet atqarady.

2004 jyldan beri ósimdik sharýashylyǵynda mindetti saqtandyrý júıesi jumys istep kelgen bolatyn. Dándi, maıly daqyldardy, qant qyzylshasyn jáne maqta óndirýshiler egistikterdi belgilengen saqtandyrý tarıfteri men shyǵyn normatıvteri boıynsha saqtandyrýǵa mindetti bolyp kelgen edi.

Saqtandyrý kompanııalary men ózara saqtandyrý qoǵamdary agent arqyly saqtandyrý tólemderiniń bir bóligin óteý túrinde memlekettik qoldaýǵa ıe bolyp kelgen bolatyn.

Bul júıeniń tıimsizdigine baılanysty Parlament Májilisiniń depýtattary «О́simdik sharýashylyǵyndaǵy mindetti saqtandyrý týraly» zańnyń kúshin joıýǵa jáne «Agroónerkásiptik keshendi jáne aýyldyq aýmaqtardy damytýdy memlekettik retteý týraly» Zańdy saqtandyrý máselelerine qatysty normalarmen tolyqtyryp, zańnamaǵa túzetýler engizý bastamasyn kóterdi. 2019 jyldyń 28 qazanynda tıisti zańǵa Memleket basshysy qol qoıdy.

Qazirgi ýaqytta Agroónerkásip keshenindegi barlyq táýekelderdi saqtandyrýdy, saqtandyrý syıaqylaryn sýbsıdııalaýdy jáne sıfrlyq tehnologııalardy qoldanýdy qarastyratyn erikti agrosaqtandyrý júıesi jumys isteı bastady.

Bul ózgerister tıimdi júıeni qurýǵa múmkindik beredi. Onyń negizgi maqsaty óndiristi táýekelderden qorǵaý arqyly salany qarjylandyrýdyń qoljetimdiligin arttyrý.

Aıta ketý kerek, «О́simdik sharýashylyǵyndaǵy mindetti saqtandyrý týraly» zańnyń normalary tıisti mindettemeler oryndalǵanǵa deıin qoldanylady.

2019 jyly Aýyl sharýashylyǵyn qarjylaı qoldaý qory toǵyz kompanııaǵa jalpy somasy 150 mln teńge bolatyn saqtandyrý tólemderiniń bir bóligin qaıtardy.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar