Qazaqstan • 23 Qańtar, 2020

Kepildik jetpese, memlekettik kepildendirý júıesi kómektesedi

28 retkórsetildi

«Aýyl sharýashylyǵyn qarjylaı qoldaý qory» AQ 2019 jyldyń qyrkúıek aıynan bastap aýyldardaǵy jáne monoqalalardaǵy kásipkerlerdiń shaǵyn nesıelerin kepildendirýmen aınalysady. Jańa baǵyt «QazAgroKepil» AQ Qorǵa qosylǵannan keıin iske asyryla bastady.

2017 jyly aýyl turǵyndary úshin qoljetimdi qarjylandyrýdy qamtamasyz etýge arnalǵan jańa qolaıly qoldaý quraldary paıda boldy.

Nesıe alýǵa nıet tanytqan kóptegen fermerler kepildik qoıýǵa kelgende keri burylyp jatady. Sharýalardyń bul problemasyna túsinistikpen qaraǵan memleket qoldaý kórsetý máselesin sheship, bıýdjet qarjysy esebinen kepildendirý múmkindigin jasady.

«Eńbek» memlekettik baǵdarlamasy aıasynda nesıe seriktesterine nemese mıkroqarjy uıymdaryna nesıe alýǵa ótinish bergen kásipkerlerdiń kepildikteri jetpegen jaǵdaıda Qor kepildendiredi. Aıta ketý kerek, kepildendirý óteýsiz beriledi jáne qandaı da bir qyzmet túrlerimen shektelmeıdi.

Kepildendiriletin nesıeniń eń joǵary somasy 8000 aılyq eseptik kórsetkishke deıin, kepildendirý merzimi 5 jylǵa deıin. Al, mal sharýashylyǵy men aýyl sharýashylyǵy kooperatıvterin qurý salasynda 7 jylǵa deıingi nesıeler kepildendiriledi.

Jumys istep turǵan bıznes úshin nesıe somasynyń 50%-ne deıin, startap jobalar men isin jańa bastaǵan kásipkerler úshin nesıe somasynyń 85%-ne deıin kepildendiriledi.

Kásipker bıznes josparyn jasap, qujattaryn jınaıdy. Sodan keıin Qorǵa keledi. О́tinimi maquldanǵan soń nesıe rásimdeý úshin nesıe seriktesine nemese mıkroqarjy uıymyna barady.

Búgingi tańda 2 500-den astam aýyldyq okrýg pen 45-ten astam shaǵyn qalalarda 1120 kásipkerdiń nesıesi kepildendirilgen.  

Aýyl sharýashylyǵyn qarjylaı qoldaý qorynyń fılıaldary respýblıkanyń barlyq oblys ortalyqtarynda, sondaı-aq Nur-Cultan, Almaty, Semeı qalalarynda bar.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar