Aımaqtar • 23 Qańtar, 2020

Almatyda pedagogtardyń respýblıkalyq forýmy ótti

95 retkórsetildi

Qazaq ulttyq qyzdar pedagogıkalyq ýnıversıtetinde «Bilim berý men tárbıege jańa kózqaras» taqyrybyndaǵy respýblıkalyq forým ótti. Halyqaralyq bilim kúnine arnalǵan alqaly basqosýǵa otandyq joǵary oqý oryndary men ǵylymı-zertteý mekemeleriniń qyzmetkerleri, bilim berý salasynyń mamandary jáne sheteldik uıym ókilderi qatysty.

Qyzdar ýnıversıteti men IýNESKO-nyń Qazaqstan, Qyrǵyzstan, Tájikstan jáne О́zbekstan boıynsha Klasterlik bıýrosy birlesip ótkizgen shara qatysýshylary aldymen oqý ornynyń Ǵylymı kitaphanasyndaǵy ǵalymdar men bilim alýshylardyń ǵylymı jetistikteriniń kórmesin tamashalady. Onda jurtshylyq nazaryna oqytýshylardyń ǵylymı eńbekteriniń nátıjeleri, robototehnıka zerthanasy daıyndaǵan ınnovasııalyq jobalar usynylǵan.

Forým jumysy ýnıversıtet rektory Gaýhar Aldambergenovanyń alǵy sózimen ashyldy.

– Bizdiń ýnıversıtetimizdiń Halyqaralyq bilim kúnin atap ótýge qatysýynyń ózindik sımvolıkalyq máni bar. О́ıtkeni oqý orny – áıel muǵalimderdi daıarlaıtyn alǵashqy ári tuńǵysh bilim ordasy. О́tken jyly ýnıversıtettiń qurylǵanyna 75 jyl toldy. Osy jyldar ishinde qazynaly qarashańyraq Qazaqstannyń bilim berý júıesine 60 myńnan astam maman daıarlap shyǵardy. Biz qazirgi kúnde de negizinen aýyl qyzdarynyń shyǵarmashylyq áleýeti men tulǵalyq qalyptasýyna keń múmkindikter beretin áleýmettik mıssııany júzege asyrýdy jalǵastyrýdamyz. Osy jyly Almatydaǵy IýNESKO-nyń Klasterlik bıýrosy men Qazaqstan Respýblıkasy Bilim jáne ǵylym mınıstrliginiń qoldaýymen respýblıkalyq deńgeıde forým ótkizýdemiz. Maqsatymyz – búkil pedagogıkalyq qoǵamdastyqtyń nazaryn bilim berý men oqytýdyń ózekti máselelerine aýdarý, bilim berý keńistiginiń barlyq ókilderimen ózara is-qımyl shekarasyn keńeıtý, eń jaqsy, eń ozyq ıdeıalar tájirıbesin biriktirý jáne bilim men ǵylym ıntegrasııasyn nyǵaıtý, dedi Gaýhar Aldambergenova.

Uly ǵalym Ál-Farabıdiń 1150 jáne aqyn, oıshyl, aǵartýshy Abaı Qunanbaıulynyń 175 jyldyq mereıtoılarymen tuspa-tus kelgen basqosý atalǵan tulǵalardyń muralaryn dáripteýdi de kózdeıdi.

– Ál-Farabı men Abaı eńbekterinde rýhanı-adamgershilik tárbıe men bilimge qoǵamnyń joǵary qundylyǵy retinde jete mán beriledi. Sonymen qatar bul máseleler búgingi Halyqaralyq bilim kúni tujyrymdamasyna da sáıkes keledi. Ál-Farabıdiń fılosofııalyq paıymdaýlarynda «qaıyrymdy memleket qurýdaǵy eń basty nárse óz azamattaryn «durys» baǵytta jáne «durys» adamgershilik qaǵıdalarynda tárbıeleý isine «durys» kózqarastar nátıjesinde ǵana qol jetkizýge bolady» delingen. Al uly Abaıdyń naqyl sózderinen tulǵany jetildirý bilim alý men aǵartýshylyqqa baılanysty ekenin ańǵarýǵa bolady. «Adamnyń bilimi – adamzattyń ólshemi» deıdi aqyn. Bilim men tárbıe máseleleri bizdiń zamanymyzda da óz ózektiligin joǵaltpaıtynyn kórip otyrmyz. Olar ásirese tehnologııany qarqyndy damýy men álemniń ózgerip otyratyn jaǵdaıynda kúrt kóteriledi, dep atap ótti Qyzdar ýnıversıtetiniń rektory.

Gaýhar Aldambergenovanyń paıymdaýynsha, forým alańy yntymaqtastyq úshin jańa ıdeıalar paıda bolatyn, tárbıe men bilim berý salasyndaǵy jańa tásilder men modelder, sondaı-aq ozyq tájirıbe almasý úshin kásibı pedagogıkalyq qaýymdastyq quratyn dástúrli oryn bolady.

Sonymen qatar jıyn barysynda Bilim jáne ǵylym mınıstrligi Bolon prosesi jáne akademııalyq utqyrlyq ortalyǵynyń dırektory Almagúl Qultýmanova, Almatydaǵy IýNESKO-nyń Klasterlik keńsesiniń dırektory jáne atalǵan uıymnyń Qazaqstan, Qyrǵyzstan, Tájikstan jáne О́zbekstandaǵy ókili Krıstına Tovmasıan, «Bóbek» ulttyq ǵylymı-praktıkalyq, oqý-saýyqtyrý ortalyǵynyń bas dırektory Elena Sákenova, Qazaqstandaǵy Fransııa Elshiliginiń ýnıversıtetter yntymaqtastyǵy jónindegi attashesi Jıl Mamets taqyryp tóńireginde sóz sóılep, paıymdy usynystaryn bildirdi.

Forýmnyń plenarlyq otyrysynan keıin qatysýshylar «Turaqty damý maqsatyndaǵy bilim berýdiń róli», «Ǵalamdyq azamattyq rýhyn qalyptastyrýdaǵy tárbıe men bilim berý», «Tárbıe berý mashyǵy men ádistemesiniń evolıýsııasy, turaqty qoǵam qurý jolyndaǵy adam qyzmetin qamtamasyz etýdegi oqytý men bilim berý», «Jastardyń Qazaqstan qoǵamynyń turaqty damýyna qosqan úlesi», «Zamanaýı bilim berýdegi jas ǵalymdar platformasy: jańa ıdeıalar men múmkindikter», «4K modeli jaǵdaıyndaǵy mektepke deıingi tárbıe men bilim berýdiń máseleleri» taqyrybyndaǵy paneldik sessııalar jumystaryna qatysty.

– Osymen ekinshi jyl qatarynan uıymdastyrylyp otyrǵan jıynnyń basty kózdegeni – Qazaqstannyń 2030 jylǵa deıin turaqty damýyn qamtamasyz etýge yqpal etetin 17 basym baǵyttaǵy bilim berýdiń mańyzyn anyqtaý, ony keńinen nasıhattaý turǵysynda birqatar mańyzdy mindetterdi nazarǵa alý. Forým jumysyna bilim berý salasynyń barlyq satysynyń ókilderi qatysty. Olar ozyq tájirıbeler, jańa tehnologııalar men ádister, yntymaqtastyq pen ózara is-qımyl arqyly bilim berý reformalarynyń qozǵaýshysy bolady dep senimmen aıta alamyz, deıdi Qyzdar ýnıversıtetiniń Baspasóz qyzmetiniń jetekshisi Jandar Asan.

Basqosý sońynda qatysýshylar kelip túsken usynystar negizinde ortaq sheshim shyǵaryp, sertıfıkattarmen marapattaldy.

Sońǵy jańalyqtar

Satıralyq shyǵarmalar baıqaýy bastaldy

Rýhanııat • Búgin, 18:43

Áskerge barý da keıinge qaldyrylǵan

Aımaqtar • Búgin, 18:33

iPhone 12 Pro renderi shyqty

Tehnologııa • Búgin, 18:31

Petropavlda eki ury qolǵa tústi

Aımaqtar • Búgin, 18:07

Epıdemııa jeńipmazy – bulttyq esepteýler

Tehnologııa • Búgin, 17:22

Shymkentte barlyq avtobeketter jabyldy

Aımaqtar • Búgin, 17:17

Búgin: Almatyda 22 indet oshaǵy bar

Aımaqtar • Búgin, 17:05

Almatyda urlyq-qarlyq eki ese azaıdy

Aımaqtar • Búgin, 15:55

Batys Qazaqstanda qozǵalys shekteledi

Aımaqtar • Búgin, 15:34

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Uqsas jańalyqtar