Aımaqtar • 23 Qańtar, 2020

Mańǵystaý sottarynda qaralǵan qylmystyq ister sany kóbeıgen

50 retkórsetildi

Mundaı málimetti «Qoǵamdyq Kommýnıkasııa Ortalyǵynda»  ótken Mańǵystaý oblysy sottarynyń 2019 jyly atqarylǵan jumys qorytyndysy týraly  brıfıngte qylmystyq ister jónindegi sot alqasynyń tóraǵasy Erjan Qarabaev málim etti.      

Brıfıngke oblystyq sottyń azamattyq ister jónindegi sot alqasynyń tóraǵasy Nursapa Prımashev pen oblystyq sottyń sýdıasy, BAQ-pen baılanysyn úılestirýshisi Aıjan Molbaeva da qatysty.  

«Esepti merzimde qaralǵan qylmystyq isterdiń statıstıkasy týraly baıandap, óńirde zorlaý (2019-13, 2018-5), urlyq (2019-174, 2018-130), alaıaqtyq (2019-105, 2018-90), qaraqshylyq (2019-34, 2018-28) boıynsha qylmystyq isterdiń kóbeıgen. 2019 jyldyń 12 aıynda aýdandyq jáne oǵan teńestirilgen sottarda 2037 qylmystyq is 2307 tulǵaǵa qatysty aıaqtalǵan, 1537 iske qatysty úkim shyǵarylyp sottalǵan (2018 jyldyń 12 aıynda – 1929 qylmystyq is túsip, 1874 qylmystyq is 1921 adam boıynsha aıaqtalǵan). О́tken jyldyń kezeńimen salystyrǵanda 386 tulǵa/163 iske kóbeıgen» dedi ister jónindegi sot alqasynyń tóraǵasy E.Qarabaev.

18 tulǵa boıynsha aqtaý úkimi shyǵarylǵan, (onyń ishinde 14 tulǵa jeke aıyptaý isteri boıynsha aqtalǵan) (2018 jyldyń 12 aıynda – 23 tulǵa aqtalsa, onyń ishinde 11 tulǵa jeke aıyptaý isteri boıynsha aqtalǵan).

18 tulǵaǵa qatysty aqtaý úkimderi Aqtaý qalalyq sotynda -7, Jańaózen qalalyq sotynda –7, Mańǵystaý aýdandyq soty-1, Munaıly aýdandyq sotynda – 2, mamandandyrylǵan aýdanaralyq qylmystyq soty-1 shyǵarylǵan.

Oblys sottarynda medıatorlarmen 261 (aıaqtalǵan isterdiń 12,8%) qylmystyq is qaralyp, sottalýshylar jábirlenýshilermen tatýlasýyna baılanysty qylmystyq is óndiristen qysqartylǵan (2018j. 12 aıynda –260 is óndiristen qysqartylǵan, medıatormen 178 is, 68,4%) ıaǵnı 83 iske kóbeıgen.

Sottalǵan áıel adam sany-160, onsha aýyr emes-35, ortasha-39, aýyr-50, asa aýyr-1, teris qylyqpen-35, jeke aıyptaý boıynsha – 6. Sybaılas jemqorlyqqa qatysty 2019 jyldyń 12 aıynda 47 tulǵaǵa qatysty is aıaqtalǵan (2018 jyly-28 tulǵa),onyń ishinde bas bostandyǵynan aıyrýǵa sottalǵandar-9, shekteý jazasy-11, aıyppul salynǵan-25, QK-niń 71-babynyń 1 -bóliginiń 2-tarmaǵyna saı, eskirý merziminiń ótýine baılanysty qylmystyq jaýaptylyqtan bosatylǵan- 2. О́tken jylmen salystyrǵanda 19 tulǵaǵa kóbeıgen.

Odan ári Aıjan Molbaeva «Qazaqstan Respýblıkasynyń Ákimshilik quqyq buzýshylyq týraly Kodeksine ózgerister men tolyqtyrýlar engizý týraly» Zańnyń qabyldanǵandyǵyn aıtyp, onyń ishinde kóliktegi quqyq buzýshylyqtarǵa, kóshi-qon salasyndaǵy, jeke tulǵaǵa qol suǵatyn ákimshilik quqyq buzýshylyq boıynsha basty ózgeristerge toqtalyp ótti. Sondaı-aq ol sot isin júrgizýde qazirgi zamanǵy aqparattyq tehnologııalardy qoldaný máselesine toqtalyp, onyń ishinde sot otyrysyna qashyqtyqtan qatysý, talap aryzdardy elektrondy berý, sot prosesteriniń aýdıo-beınejazbalarǵa taspalanýy týraly aıtty.

Azamattyq ister jónindegi sot alqasynyń tóraǵasy Nursapa Prımashev óńir boıynsha esepti merzimde azamattyq jáne ákimshilik isterdiń sany edáýir azaıyp, medıasııa tártibimen qysqartylǵan isterdiń sany artyp otyrǵanyn tilge tıek etti.

Statıstıkalyq málimetterge sáıkes, osy kezeńde barlyǵy 21 655 is qaralyp aıaqtalǵan, byltyr aıaqtalǵan isterdiń sany 36 434 bolatyn, ıaǵnı barlyq aıaqtalǵan isterdiń sany 14 779 danaǵa azaıǵan.

2191 is tatýlastyrý rásimderin qoldaný arqyly qysqartylǵan. Olardyń ishinde 351 is bitimgershilikke kelý arqyly aıaqtalǵan. Byltyr 1549 is tatýlastyrý rásimderin qoldaný arqyly aıaqtalǵan, ıaǵnı bul kórsetkish 642 danaǵa ósken. Olardyń ishinde 1834 is medıasııanyń tártibimen aıaqtalǵan. Partısıpatıvtik kelisimge kelý arqyly 6 is qaralǵan, byltyr da 6 azamattyq is partısıpatıvtik tártipte qaralǵan bolatyn.

Esepti kezeńde Aqtaý qalasynyń mamandandyrylǵan ákimshilik jáne oblystyń aýdandyq sottaryna barlyǵy 14 696 ákimshilik is túsken, olardyń 14381-i qaralǵan. Byltyr sottarda 17243 is qaralǵan, ıaǵnı qaralǵan isterdiń sany 2862 danaǵa azaıǵan.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar