Qazaqstan • 23 Qańtar, 2020

Elimizde koronavırýstyq syrqattaný jaǵdaılary tirkelgen joq

89 retkórsetildi

Bul týraly búgin Prezıdent janyndaǵy Ortalyq kommýnıkasııalar qyzmetinde ótken baspasóz-maslıhatynda Densaýlyq saqtaý mınıstrligi Taýarlar men qyzmetterdiń sapasy men qaýipsizdigi komıtetiniń tóraǵasy Lıýdmıla Bıýrabekova jáne Densaýlyq saqtaý mınıstrligi Taýarlar men qyzmetterdiń sapasy men qaýipsizdigi komıteti tóraǵasynyń orynbasary Jandarbek Bekshın málimdedi. Spıkerler el azamattaryn erekshe qajettilik bolmasa, QHR-ǵa saparǵa shyǵýdan bas tartýǵa shaqyrdy.

Dúnıejúzilik densaýlyq saqtaý uıymynyń aqparatyna sáıkes Qytaı Halyq Respýblıkasynda 2020 jyldyń 22 qańtarynda koronavırýstyq ınfeksııanyń jańa tıpimen syrqattanýdyń 571 jaǵdaıy tirkelgen, olardyń ishinde 17 adam qaıtys bolǵan.

Aldyn ala epıdemıologııalyq tergep-tekserýge sáıkes aýyrǵan adamdardyń kóbi Ýhan qalasynda ornalasqan Hýanan teńiz ónimderiniń kóterme saýda bazarynda óńdeýshiler bolyp jumys istegen jáne oǵan jıi baryp turǵan. Qytaı bıligi qarqyndy qadaǵalaý jáne keıingi sharalar boıynsha, sondaı-aq odan arǵy epıdemıologııalyq tergep-tekserý boıynsha óz jumysyn jalǵastyrýda.

Budan basqa DDU aqparatyna sáıkes koronavırýstyń jańa túrimen syrqattaný jaǵdaılary Japonııada, Ońtústik Koreıada, Taıvanda jáne AQSh-ta tirkelgen. Barlyq aýyrǵan adamdar Ýhan qalasyna barǵan. Elimizde bul aýrýmen syrqattaný jaǵdaılary tirkelgen joq.

Koronavırýstyq ınfeksııanyń belgiler:

Qarapaıym sýyq tııýden bastap taıaý shyǵys respıratorlyq sındromy jáne aýyr jiti respıratorlyq sındrom sııaqty aýyr aýrýlardy týdyratyn vırýstardyń úlken toby. Jańa koronavırýs – bul buryn adamdarda anyqtalmaǵan jańa shtamp.

Aýrýdyń klınıkalyq belgileri men sımptomdary: keıbir jaǵdaılarda tynys alý qıyndaıtyn qyzba, keýde qýysynyń rentgenogrammasynda eki ókpede de ınvazıvti ókpe ınfıltrattary anyqtalǵan.

Aýyr jaǵdaılarda ınfeksııa pnevmonııa, aýyr jiti respıratorlyq sındrom, búırek jetkiliksizdigin týdyrýy jáne ólimge ákelýi múmkin.

Qazaqstanda qabyldanǵan sharalar:

QHR-da epıdemıologııalyq jaǵdaıdyń kúrdelenýine baılanysty Qazaqstan Respýblıkasyna aýrýdyń ákelinýi men taralýynyń aldyn alý maqsatynda Komıtet sanıtarııalyq-epıdemııaǵa qarsy jáne profılaktıkalyq sharalar keshenin qabyldaýda.

  • «Qazaqstan Respýblıkasynyń aýmaǵyna etıologııasy belgisiz pnevmonııanyń ákelinýi men taralýynyń aldyn alý boıynsha sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy kúsheıtý týraly» Qazaqstan Respýblıkasynyń Bas memlekettik sanıtarııalyq dárigeriniń qaýlysy (aǵymdaǵy jylǵy 06 qańtardaǵy № 1) bekitildi jáne óńirlerge jiberildi;
  • Qarjy mınıstrliginiń Memlekettik kirister komıtetine (budan ári – MKK) avtomobıl ótkizý joldarynda Qazaqstan Respýblıkasynyń aýmaǵyna etıologııasy belgisiz pnevmonııanyń ákelinýi men taralýynyń aldyn alý boıynsha sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy kúsheıtý qajettiligi týraly hat jiberildi (memlekettik shekara arqyly ótkizý pýnktteriniń bir bóliginiń MKK-niń qaramaǵynda bolýyn eskere otyryp);
  • Qazaqstan Respýblıkasy Syrtqy ister mınıstrligine QHR Elshiligine Hýbeı provınsııasynyń Ýhan qalasyndaǵy etıologııasy belgisiz pnevmonııamen syrqattanýshylyqtyń epıdjaǵdaıy týraly resmı aqparat berý jóninde suraý jiberý týraly hat jiberildi;
  • shetelge shyǵatyn qazaqstandyq azamattardy (týrıster, stýdentter, mıgranttar jáne t. b.) aqparattandyrý maqsatynda Bilim jáne ǵylym, Eńbek jáne áleýmettik qorǵaý, Mádenıet jáne sport mınıstrlikterine usynymdar jiberildi;
  • Qazaqstan Respýblıkasynyń memlekettik shekarasyndaǵy ótkizý pýnktterinde, ásirese Qytaı Halyq Respýblıkasynan keletin barlyq adamdarǵa (jolaýshylar, tasymaldaýshylar, ekıpaj músheleri, bortserikter jáne basqalary) mindetti túrde baılanyssyz termometrııa júrgiziledi;
  • kóliktegi TKQSQB departamenti áýejaı, shekara jáne keden qyzmetiniń qyzmetkerlerimen, bortseriktermen, ushý quramymen, jolaýshylar poezdarynyń jolserikterimen profılaktıkalyq jumys júrgizýde: semınarlar (43), nusqaýlar (304), áńgimeler (1144) ótkizildi.
  • Qazaqstan áýejaılarynda QHR-ǵa shyǵatyn adamdarǵa taratylatyn jadnama bekitildi;
  • Aǵymdaǵy jyldyń 24 qańtarynda Nur-Sultan jáne Almaty qalarynyń áýejaılarynda koronavırýstyq ınfeksııaǵa kúdikti naýqas anyqtalǵan jaǵdaıda vedomstvoaralyq oqý-jattyǵý ótkizý josparlandy.

Búgingi kúni memlekettik shekara arqyly ótkizý pýnktterinde 14 713 adam qaraldy, QHR-dan kelgen adamdar arasynda dene qyzýy joǵary jáne aýrý belgileri bar adamdar anyqtalǵan joq.

Usynymdar:

  • О́te qajet bolmasa, QHR-ǵa saparǵa shyǵýdan bas tartý;
  • QHR-ǵa sapar kezinde Ýhan qalasyna jáne Hýbeı provınsııasyna barýdan bas tartýdy usynady;
  • QHR-da bolǵan kezde nemese sol jaqtan kelgen kezde respıratorlyq aýrý sımptomdary paıda bolǵan jaǵdaıda, sapar kezinde nemese odan keıin saıahatshylarǵa medısınalyq kómekke júginý nemese óziniń emdeýshi dárigerine ınfeksııanyń taralý aımaǵyna barǵany týraly habarlaý usynylady;
  • Jiti respıratorlyq ınfeksııalarmen aýyratyn adamdarmen tyǵyz baılanys jasamaý;
  • Qoldy jıi jýý, ásirese naýqas adamdarmen nemese olardyń aınalasymen tikeleı baılanysqannan keıin jýý;
  • Aýrý úı janýarlarymen jáne jabaıy janýarlarmen tyǵyz baılanysta bolmaý;
  • Jiti respıratorlyq ınfeksııa sımptomdary bar adamdar jótel etıketin saqtaýy tıis (qashyqtyqty saqtańyz, jótelgende jáne túshkirgende bir ret qoldanylatyn sýlyqtarmen nemese oramalmen aýyzdy jabyńyz).
Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar