Parlament • 23 Qańtar, 2020

Májiliste bıznes-ahýaldy jaqsartý máselelerine qatysty zańnamalyq túzetýler tanystyryldy

236 retkórsetildi

Búgin Májiliste «Qazaqstan Respýblıkasynyń keıbir zańnamalyq aktilerine bıznes-ahýaldy jaqsartý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótti. Bul týraly Parlament Májilisiniń baspasóz qyzmeti habarlady.

Otyrysty ashqan Májilis depýtaty, Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov atalǵan zań joba eldegi bıznes ahýaldy jaqsartý maqsatynda ázirlengen jáne bıznes qurý rásimderin ońaılatýǵa, otandyq kásipkerlikti damytý úshin qolaıly jaǵdaılardy qalyptastyrýǵa, sonymen qatar básekelestikke kedergi jasaıtyn tosqaýyldardy joıýǵa baǵyttalǵanyn atap ótti.

Otandyq bıznesti júrgizý sharttaryn jaqsartýǵa baǵyttalǵan reformalardy kózdeıtin qujat týraly Ulttyq ekonomıka vıse-mınıstri Jaslan Mádıev baıandap, depýtattardyń suraqtaryna jaýap berdi. Mınıstrdiń aıtýynsha, bıznesti damytý úshin qolaıly jaǵdaılar jasaý baǵytynda, jyljymaıtyn múlikke salynatyn aýyrtpalyqtar týraly, sondaı-aq zańdy tulǵalarǵa jyljymaıtyn múlikke menshik quqyqtary týraly aqparatqa jappaı qoljetimdilikti ashý, oǵan satý-satyp alý mámilesin óndiristik tirkeý týraly belginiń mindettiligin alyp tastaý, Elektr jelilerine qosylýǵa ótinishti elektrondyq túrde ǵana berý júıesin engizý sııaqty basqa da reformalary kózdeledi.

Sonymen birge, básekelestikti damytýǵa kedergi keltiretin tosqaýyldardy joıýǵa baǵyttalǵan túzetýler usynylyp otyr.

Onyń ishinde:

- Kásipkerlik qyzmetke memlekettik qatysýdyń negizderin qysqartý - Úkimettiń memlekettik kásiporyndar júzege asyratyn qyzmet túrleriniń tizbesin bekitýi.

- Memlekettiń naryq sýbektilerine aıryqsha quqyqtar berýiniń konkýrstyq tártibin jáne olardyń qyzmetin shekteýdi engizý.

- Telekommýnıkasııalyq ınfraqurylymǵa jáne radıojıilik resýrstaryna qol jetkizý qaǵıdalaryn bekitý.

- Áýejaılar aýmaǵynda negizgi áýejaı qyzmetine jatpaıtyn qyzmetter kórsetýge qol jetkizý qaǵıdalaryn bekitý. Jeke tulǵalar úshin kásipkerlik qyzmettiń jekelegen túrlerin jáne bıznesti júrgizýdiń jekelegen ákimshilik, ekonomıkalyq shyǵyndaryn júzege asyrýǵa shekteýlerdi alyp tastaý.

- Monopolııaǵa qarsy zańnamany buzǵany úshin naryq sýbektileriniń jaýapkershiligin arttyrý.

Zań jobasynda «Doing Business» reıtıngi sheńberinde 6 Kodeks pen 33 Zańǵa ózgerister men tolyqtyrýlar qarastyrylǵan. Tanystyrylymǵa Májilis depýtattary, mınıstrlikter, parlamenttik emes saıası partııalar, qaýymdastyqtar men qoǵamdyq birlestikterdiń, sondaı-aq «Atameken» Ulttyq kásipkerler palatasynyń ókilderi qatysty.

Zań jobasy boıynsha talqylaý odan ári Májilis depýtaty, Ekonomıkalyq reforma jáne óńirlik damý komıtetiniń múshesi Sáken О́tebaev bastaǵan jumys tobynda jalǵasady.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar