Aımaqtar • 24 Qańtar, 2020

62 kóshege jańa ataý berildi

816 retkórsetildi

2018 jyly Shyǵys Qazaqstannyń onomastıka salasynda buryn-sońdy bolmaǵan dúmpý bolyp, Zyrıan qalasy men aýdannyń aty Altaı dep ózgerip, oblys ortalyǵy – О́skemendegi 35 kóshe men eki saıabaqqa, Semeıdegi 10-ǵa jýyq kóshege jańa ataýlar berilgen edi.

Esterińizge sala ketsek, byltyr jyl basynda О́s­kemendegi ıdeologııalyq tur­ǵydan eskirgen, keńestik kó­semder esimimen atalǵan Vo­roshılov dańǵyly Shákárim, Ordjenıkıdze kóshesi Sa­ǵa­dat Nurmaǵambetov, Re­volıý­sıonnaıa Qalıhan Ys­qaq, Dzerjınskıı Ámire Qa­shaýbaev, Oktıabrskaıa Mu­hamedjan Tynyshpaev, Pıter kommýnarlary Lev Tol­stoı, Kırov Anton Che­hov, Krýpskaıa Evgenıı Brý­sı­lovskıı, eki Sovetskaıa kó­shesiniń biri Alek­sandr Za­taevıch, ekinshisi Adolf Iаnýsh­kevıch, Lenınogor kó­shesi Temirjolshylar, Komsomol kóshesi Jastar, Go­lovkov kóshesi Beıbitshilik, Aıtyqov kóshesi Asar ataýlaryn ıelengen-di. Al Semeıdegi Krýpskaıa kóshesi Ázilhan Nurshaıyqov, Stroıtelnaıa kóshesi Tursynǵazy Rahımov, Komsomolskaıa kóshesi Ji­bek joly, Kýtýzov kóshesi Ardagerler, Kolhoznaıa kóshesi Berel, Sosıalıstıcheskaıa kó­shesi Samal, Dekabrıstov kó­shesi Nursaıa degen ataýlar alǵan-dy.

Bıyl da bul tarapta aýdan­dardyń belsendiligi baıqalady. Jaqynda bizge Kókpekti aýdandyq «Juldyz» gazetiniń bas redaktory, aýdan­­­­dyq onomastıkalyq ko­mıs­sııanyń múshesi Darhan Berdibek habarlasyp, Kók­pektide 62 kóshe ataýynyń óz­­gergenin, munyń oblystyq onomastıkalyq komıssııa oty­rysynda maquldanǵanyn súıinshileı jetkizdi. Onyń aıtýynsha, aýdan ortalyǵy – Kókpekti aýylyndaǵy kóshe­lerge Táýelsizdik, Uly dala eli, Ybyraı Altynsarın, Otynshy Áljanov, Hamıt Toqtamysov, Kegenbaı bı, Qalıhan Altynbaev, Barmaq batyr sekildi jańa ataýlar berilipti. Al Úlkenbóken aýy­lyndaǵy 9 kóshe Qabanbaı batyr, Tóle bı, Qazybek bı, Kenesary, Álıhan Bókeıhan, Shoqan Ýálıhanov, Qasym Qaısenov syndy qazaqtyń bir­týar tulǵalarynyń esim­derin alyp­ty. Sonymen qa­tar Sa­mar, Qulynjon, Kók­jyra, Ba­taýysh, Kókjota, Ma­rınogorka, Aqqala, Sary­bel, Novostroıka, Mıro­lıý­­bovka, Preobrajenka aýyl­­daryndaǵy kósheler Abaı, Shákárim, Yby­raı Al­tynsarın, Muhtar Áýe­­zov, Qanysh Sátbaev, Ba­ýyrjan Momyshuly, Álııa Mol­daǵulova, Jubandyq Bol­ǵanbaev, Táýelsizdik, Jas­tar, Beıbitshilik, Dostyq, Er­tis, Qyzylshilik, Tassýat, Altaı, Topqaıyń sııaqty ataý­larǵa ıe bolypty. Erekshe atap óterligi, Kókpekti aýdany bo­ıynsha bıyl 175 jyldyq mereıtoıy atalyp ótip jat­qan Abaı Qunanbaıuly qur­metine 5 kóshe ataýy be­rilipti. «Táýelsizdiktiń alǵash­qy jyl­­dary Kókpektide jer-sý ataýlarynyń tarıhı ataý­laryn qaıtarýǵa esimi el­ge belgili aıtysker aqyn Qa­lıhan Altynbaev kóp eńbek etti. Sol kezderi Vozdvıjenka Úki­li qyz, Ivanovka Kók­ja­ıyq, Romanovka Aja degen qazaqy, tól ataýlarǵa ıe bol­dy. Qaıratker aǵamyz bas­taǵan úlken jumys biraz jyl báseńdep qalǵan edi, qa­zir qaıta jandanyp jatqan jaıy bar. Qazir aýdanymyzda mektep ataýlaryn aýystyrý boıynsha tıisti jumystar júr­gizilip jatyr», deıdi D.Ber­dibek.

 

Shyǵys Qazaqstan oblysy,

Kókpekti aýdany

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar