Tennıs • 24 Qańtar, 2020

Eki tennısshimiz kelesi aınalymǵa ótti

10 retkórsetildi

Melbýrnde ótip jatqan Aýstra­lııanyń ashyq birinshiliginde óner kórsetip jatqan Zarına Dıas pen Iýlııa Pýtınseva jarystyń úshinshi kezeńine joldama aldy.

Alǵashqy kezeńde álemniń 24-raketkasy Amanda Anısımovadan (AQSh) úsh sette basym túsken Dıas ekinshi kezeńde reseılik Anna Blınkovadan aılasyn asyrdy. 2 saǵatqa sozylǵan bul saıysta 4:6, 6:3, 6:4 esebi tirkeldi. Otandasymyz reseılik tennısshimen bir aıda ekinshi ret kezdesip otyr. Eki tennısshi jyl basynda Qytaıdyń Shenchjen qalasynda ótken týrnırdiń shırek fınalynda kezdesip, match Z.Dıastyń jeńisimen aıaqtalǵan-dy. Endi qandasymyz birinshiliktiń úshinshi kezeńinde álemniń 10-raketkasy sanalatyn Nıderland ókili Kıkı Bertenspen kezdesedi.

Al Iýlııa Pýtınseva ekinshi aınalymda amerıkalyq Danıel Roýz Kollınspen synǵa túsip, úsh setke sozylǵan básekede 6:4, 2:6, 7:5 esebimen jeńiske jetti. Australian Open týrnıriniń úshinshi kezeńinde Pýtınseva álemniń úshinshi raketkasy rýmynııalyq  Sımona Haleppen baq synaıdy.

Sondaı-aq búgin Elena Rybakına da álemniń birinshi raketkasy aýstralııalyq Eshlı Bartımen kúsh synasady. 23 jastaǵy aýstralııalyq tennısshi byltyr «Rolan Garros» básekesinde top jarǵan bolatyn.

 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar