Aımaqtar • 24 Qańtar, 2020

Almaty oblysynda betimen ketken bala kóbeıdi

111 retkórsetildi

Almaty oblysynda mektep oqýshylarynyń eskertýsiz úıden ketip qalý oqıǵasy jıilep ketti. О́kinishtisi, sońǵy bir aı arasynda aımaqtyń tártip saqshylary men eriktileri jasóspirimderdiń iz-túzsiz joǵalýyna qatysty 3 ret izdeý jumysyn júrgizdi.

Máselen, ótken jyldyń 21 jeltoqsany kúni Eńbekshiqazaq aýdanynyń polısııasy 16 jasar oqýshy qyzdy tabandarynan taýsylyp izdep, 4 kún ábigerge túsken bolatyn. Izdeý jumysyna Almaty qalasynyń tártip saqshylary men eriktiler tartylyp, Gúljan esimdi qyz bala qala ortalyǵyndaǵy Arbat demalys aýmaǵynan tabylǵan edi. Oqýshy qyz úıden ketý qalý sebebin túsindire almaǵan eken. Jalpy, osy Eńbekshiqazaq aýdanynda adam joǵalý deregi jıi tirkelip otyr. Byltyr 30 adamǵa izdeý jarııalansa, onyń úsheýi kámeletke tolmaǵan bala.

Sondaı-aq qańtar aıynyń on ekisinde Qaratal aýdanynyń tártip saqshylaryna eki balanyń iz-tússiz joǵalǵany týraly dabyl túsken. Ortatóbe aýylynda turatyn Lýnınder otbasynyń 2004 jylǵy Elızaveta jáne 2006 jyly týǵan Vıtalıı esimdi ul-qyzy úıden shyǵyp ketkennen oralmapty. Polısııa kúni boıy aınalany sholyp, oqýshylar barýy múmkin baǵyttardyń bárin teksergen. Qýanyshqa qaraı, aǵaıyndylar basqa aýyldaǵy týysqandarynyń úıine bara jatqan jolda adasyp, keri qaıtqan eken. Polısııa olardy ata-anasynyń qolyna tapsyrdy.

Al kúni keshe ǵana Eskeldi aýdanynyń Nurmolda Aldabergenov aýyly, Mataı Baıysov atyndaǵy orta mekteptiń 8 jáne 6 synybynda oqıtyn 2 qyz joǵalyp,  bir táýlikten keıin Almaty qalasyndaǵy «Saıran» avtobeketiniń mańyndaǵy páterden tabyldy. Oqýshylar úıden ketip qalý áreketin «qala aralap qaıtpaq» bolǵandarymen túsindiripti. Olardyń qaltasynda 17 000 teńge aqsha bolǵan. Qazir polısııa eresekterdiń qaraýynsyz júrgen jasóspirimderdiń Almatyǵa deıin qandaı kólikpen barǵandaryn jáne kámelettik jasqa tolmaǵandarǵa páterdi kimniń jalǵa bergenin anyqtap jatyr.

Sońǵy jańalyqtar

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar