Úkimet • 24 Qańtar, 2020

Aqtoty Raıymqulova ANSA aqparat agenttiginiń ókilderin qabyldady

25 retkórsetildi

Qazaqstan Respýblıkasynyń Mádenıet jáne sport mınıstri Aqtoty Raıymqulova Italııanyń Agenzia Nazionale Stampa Associata (ANSA) halyqaralyq aqparat agenttiginiń ókilderin qabyldady. Bul týraly Mádenıet jáne sport mınıstrliginiń baspasóz qyzmeti habarlady.

Delegasııa quramynda atalǵan aqparat agenttiginiń atqarýshy dırektory Stefano De Alessandrı, halyqaralyq marketıng bóliminiń dırektory Lýıdjı Sılvestrı men TMD elderi boıynsha bıýro basshysy Mattıa Banolı boldy. 

Mınıstr Aqtoty Raıymqulova Qazaqstan men Italııa arasyndaǵy memleketaralyq kelisim aıasynda mádenıet salasynda birshama birlesken jumys atqarylyp jatqanyn aıtty.

«Italııa degende eń aldymen klassıkalyq mýzyka, opera, teatr oıǵa oralady. Eki el arasynda mádenı, shyǵarmashylyq baılanys jaqsy ornyqqany qýantady. Máselen, Astana qalasynda 2017 jyly EKSPO kórmesi ótkende «Astana Operaǵa» áıgili La Skala opera teatry ujymynyń kelýi biz úshin úlken syı boldy. Al 2019 jyly 31 qazanda N. Tilendıev atyndaǵy «Otyrar sazy» akademııalyq folklorlyq-etnografııalyq orkestri Rımde konsert ótkizip, Italııa turǵyndaryn qazaqtyń dástúrli án ónerimen tanystyrýǵa óz úlesin qosty. Sonymen qatar «Astana Opera», «Astana Balet» ujymdary jyl saıyn Italııaǵa gastroldik saparmen baryp, óner kórsetip keledi» dedi ol.

ANSA-nyń atqarýshy dırektory Stefano de Alessandrı Qazaqstanǵa kelýdegi maqsatymen tanystyrdy. Qazirgi ýaqytta ıtalıandyqtardyń Qazaqstanǵa degen qyzyǵýshylyǵy ulǵaıyp kele jatqanyn jetkizdi. 

«Qazaqstanǵa bir kúnge ǵana kelsek te bul saparymyz jemisti boldy. Bizdiń maqsatymyz- Qazaqstan men Italııa arasyndaǵy aqparttyq qarym qatynasty nyǵaıtý. О́ıtkeni, bizdiń agenttik pen «Qazınform» HAA-nyń birlesken kelisim-shartqa qol qoıýy eki memleket úshin tıimdi bolary anyq. Qazir agenttik saıtynda Qazaqstanǵa arnalǵan jeke bólim ashýdy josparlap otyrmyz. Osy rette eń aldymen Italııany Qazaqstannyń mádenıet, sport jáne týrızm jańalyqtarymen habardar etsek deımiz. Sebebi, Italııada Qazaqstan týraly jan-jaqty biledi dep aıta almaımyn. Osy saparǵa attanar aldynda menen Qazaqstan týraly suraǵan tanystarym kóp boldy. Tipti ózim Sizdiń elińizge degen qyzyǵshylyqtyń joǵary ekenine tań qaldym» dedi  Stefano De Alessandrı.

Sonymen qatar aqparat agenttiginiń ókilderi Qazaqstannyń tarıhı mádenı muralarymen Evropa jurtshylyǵyn tań qaldyryp otyrǵandyǵyn aıtty. Mádenı baılanystyń tamyry tereńde ekenine mán berdi.  

Aıta keteıik, 2020 jyly Italııa astanasy Rımge saq dáýirinen syr shertetin «Altyn adam» halyqaralyq jobasy barady. Sonymen qosa bıyl Qazaqstan uly aqyn Abaı Qunanbaıulynyń 175 jyldyq mereıtoıyn atap ótedi. Osy oraıda ANSA agenttigi basshylyǵy bul jobalarǵa jan-jaqty qoldaý kórsetýge daıyn ekendikterin jetkizdi.

Kezdesý sońynda Mádenıet jáne sport mınıstrligi men Agenzia Nazionale Stampa Associata (ANSA) aqparat agenttigi ózara yntymaqtastyqty budan ári de nyǵaıtý jolynda qyzmet etýge kelisti.

Sońǵy jańalyqtar

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Ormandy saqtaýǵa baǵyttaldy

Ekologııa • Búgin, 07:36

Qoryqshylarǵa qos kater tartý etildi

Aımaqtar • Búgin, 07:35

Kıiktiń kıesi jibermeıdi

Qoǵam • Búgin, 07:30

Amal – aýyzbirshilik merekesi

Rýhanııat • Búgin, 07:26

«Admıraldan» basym tústi

Hokkeı • Búgin, 07:20

Uqsas jańalyqtar