Keńes barysynda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zańyna sáıkes ázirlengen lıft salasyn damytý jóninde «Jol kartasy» bekitildi.
Jańa zań aıasynda jergilikti atqarýshy organdarǵa lıftiler men eskalatordy qaýipsiz paıdalanýdy memlekettik qadaǵalaý quzyreti beriledi. Lıftilerdi montajdaý men olarǵa qyzmet kórsetýge qoıylatyn biryńǵaı talaptardy anyqtaıtyn ulttyq standart ázirlendi. Jáne ony mindetti túrde qoldaný maqsatynda «Azamattyq qorǵanys týraly» zańǵa tıisti tolyqtyrýlar engizildi.
Sondaı-aq otandyq óndiristi damytý josparlanyp otyr. Búgingi tańda respýblıkada lıftiler óndirisimen aınalysatyn alty kásiporyn bar. «Jol kartasynda» kózdelgen sharalar olardyń damýyna serpin berýi tıis.
Atalǵan sharalardyń barlyǵy saladaǵy qordalanǵan problemalardy sheship, lıft qurylǵylaryn qaýipsiz paıdalaný talaptaryn buzý oqıǵalaryna jedel áreket etýge múmkindik beredi.
Búgingi tańda respýblıka boıynsha 24 myńnan asa lıft qoldanysta bolsa, olardyń 765 jóndeýdi, 4 myńnan astamy aýystyrýdy qajet etedi.
