Aımaqtar • 24 Qańtar, 2020

Shymkent: AÁK jańa formaty kóp balaly analarǵa túsindirildi

287 retkórsetildi

Shymkent qalasy ákiminiń orynbasary Erbol Sadyr birqatar kópbalaly ananyń basyn qosyp, AÁK jańa formatyn túsindirdi. Onyń ishinde kepildendirilgen áleýmettik pakettiń kimderge qandaı tártippen beriletindigi jáne AÁK taǵaıyndaý mehanızmi týraly keńinen aıtyldy. Bul týraly Shymkent qalasy jumyspen qamtý ortalyǵynyń baspasóz qyzmeti habarlady.

Atalǵan basqosýǵa kópbalaly analardan ózge tıisti sala basshylary men aýdan ákimderiniń jaýapty orynbasarlary qatysty. Shahar basshysynyń orynbasary kepildendirilgen áleýmettik paketke keńinen toqtaldy. Atalǵan pakette 1 jastan 6 jasqa deıingi balalar úshin azyq-túlik taýarlary men turmystyq hımııa zattary qarastyrylǵan. Azyq-túlikter balanyń tolyqqandy deni saý bolyp jetilýi úshin tıisti vıtamınderge toly. Iаǵnı, olar Qazaqstan Respýblıkasynyń Densaýlyq saqtaý mınıstrliginiń usynysy boıynsha rettelinip alynǵan. Bul azyq-túlik jıyntyǵyn tabysy tómen otbasylar aı saıyn alatyn bolady. Al, turmystyq hımııa taýarlary toqsanyna bir ret usynylady.

Erbol Sadyr kópbalaly otbasylarǵa AÁK boıynsha tólenetin arnaıy memlekettik járdemaqy jaıynda da túsindirdi. Iаǵnı, jańa jyldan bastap atalǵan járdemaqynyń otbasylyq kiriske qaramaı barlyq kópbalaly, ıaǵnı 4 jáne odan da kóp, kámelet jasqa tolmaǵan, orta arnaýly nemese joǵary oqý oryndarynda bilim alyp jatqan jasy 23-ke tolmaǵan balalary bar analarǵa beriledi.

Sondaı-aq qala ákiminiń orynbasary analardyń «Kópbalaly otbasylar járdemaqymen qosa AÁK ala ala ma?» degen saýalyna jaýap berdi. «Kópbalaly otbasynyń tabysy eń tómengi kún kóris deńgeıinen tómen bolsa, otbasy arnaıy járdemaqymen qosa, AÁK alýǵa quqyly» dedi Erbol Sadyr. Jıynda kópbalaly analar ózderin mazalap júrgen ózgede saýaldaryn qoıyp, tıisti jaýap aldy.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar