Qoǵam • 24 Qańtar, 2020

D.Ahmetov: ShQO-da negizgi áleýmettik-ekonomıkalyq kórsetkishterdiń ósý qarqyny qamtamasyz etildi

22 retkórsetildi

Memleket basshysy Q. Toqaevtyń tóraǵalyǵymen ótken Qazaqstan Respýblıkasynyń Úkimetiniń keńeıtilgen otyrysynda Shyǵys Qazaqstan oblysynyń 2019 jylǵy áleýmettik-ekonomıkalyq damý qorytyndylary týraly óńir ákimi Danıal Ahmetov baıandady. Bul týraly Premer-Mınıstrdiń baspasóz qyzmeti habarlady.

Ákimniń aıtýynsha, 2019 jyldyń qorytyndysy boıynsha Shyǵys Qazaqstan oblysynda turaqty damý traektorııasy saqtalýda. Barlyq negizgi áleýmettik-ekonomıkalyq kórsetkishterdiń ósý dınamıkasy qamtamasyz etildi.

О́tken jyl ishinde, jalpy óńirlik ónim 4 trln teńgeden asty. О́nerkásip óndirisiniń kólemi 109%-ǵa, aýyl sharýashylyǵy óniminiń kólemi 104%-ǵa, ınvestısııa – 123%-ǵa, qurylys jumystarynyń kólemi 106%-ǵa artty. 443 myń sharshy metr turǵyn úı paıdalanýǵa berilip, ósim 108%-dy qurady.

«Naqty sektordaǵy oń nátıjeler el bıýdjetine salyq túsimin 121%-ǵa, sonyń ishinde jergilikti bıýdjet túsimin 114%-ǵa ulǵaıtýǵa múmkindik berdi. Turǵyndardyń aqshalaı kiristeri 116%-ǵa, aılyq ortasha eńbekaqy 114%-ǵa, jeke tulǵalardyń salymdary 111%-ǵa ósti. 27 myń jańa jumys orny quryldy» dedi ákim. 

Oblysta halyqtyń turmys sapasyna qatysty máselelerge, onyń ishinde densaýlyq saqtaý, bilim berý, áleýmettik qamsyzdandyrýǵa erekshe mán beriledi.

«Biz aldymyzǵa oblystyń densaýlyq saqtaý salasyn damytý prınsıpin ozyq damýshy retinde ózgertý mindetin qoıdyq. 3 jyl ishinde salaǵa 22 mlrd teńge ınvestısııalandy. 1086 birlik zamanaýı jabdyq satyp alyndy. Robotty hırýrgııa jáne transplantologııa, polıtravma, ortopedııa ortalyqtary, III deńgeıdegi ınsýlt ortalyǵy, gıbrıdti operasııalyq ashyldy, Altaı jáne Aıagóz aýdan ortalyqtarynda II deńgeıdegi ınsýlt ortalyqtary quryldy» dedi D. Ahmetov.

Sonymen qatar mekemelerdi halyqaralyq «Altyn standartqa» – Joint Commission International sáıkestigine akkredıtteý júrgiziledi, bul medısınalyq týrızmdi damytýǵa naqty qadam jasaýǵa múmkindik beredi. Medısınalyq kadrlardyń tıimdi medısınalyq kómektiń jańa engizilgen júıesine sáıkestigi úshin úsh deńgeıli baǵdarlama sheńberinde 5,5 myńnan astam maman biliktiligin arttyrdy, onyń 276-y — alys shetelderde.

«Qabyldanǵan sharalar medısına deńgeıin kóterýge, náreste ólimin 28%-ǵa, qan aınalymy júıesi aýrýlarynan bolatyn ólimdi 7%-ǵa, týberkýlezden bolatyn ólimdi 66%-ǵa tómendetýge múmkindik berdi» dedi ákim.

Bilim berý salasynda Nazarbaev zııatkerlik mektepteriniń tájirıbesi boıynsha orta bilimniń jańartylǵan mazmunǵa kóshýi júzege asyryldy. Oblystyń barlyq 648 mektebin AT-synyptarmen jabdyqtaý aıaqtaldy. Úsh tildi bilim berý jobasyn júzege asyrý jalǵasýda.

Sonymen qatar atalǵan sharalar, sondaı-aq «Bilikti maman» oblystyq jobasy boıynsha óńirlik joǵary oqý oryndarynyń básekege qabilettiligin arttyrý baǵdarlamasy joǵary bilimniń qoljetimdiligin 48-den 64%-ǵa deıin arttyrýǵa jáne mektep túlekteriniń taıaý shetel JOO-laryna ketýin 3 ese azaıtýǵa múmkindik berdi.

«Turmys sapasy máselelerin sheshe otyryp, biz az qamtylǵan jáne kóp balaly otbasylardyń ál-aýqatyn jaqsartýǵa basa kóńil bólemiz. О́tken jyldyń qorytyndysy boıynsha turǵyn úıler men páterlerdi 1700 kezekte turǵandar qatarynan 495 kóp balaly otbasy aldy. Qalǵan otbasylar 3 jyl ishinde kezeń-kezeńimen turǵyn úımen qamtamasyz etiledi» dep atap ótti D. Ahmetov.

О́ńir ákiminiń aıtýynsha, halyqtyń ómir súrý deńgeıin arttyrýdy qamtamasyz etýge tek bıýdjet qarajaty ǵana emes, sondaı-aq halyqaralyq qarjy ınstıtýttarynyń ınvestısııalary da, memlekettik-jekemenshik áriptesterdiń salymdary da jumyldyrylǵan.

Búgingi tańda MJÁ-niń 266 jobasy boıynsha jumys atqarylýda, bul Qazaqstan boıynsha jobalardyń 30%-yn quraıdy. Qazaqstandaǵy Eýropa qaıta qurý jáne damý bankimen óńirlik kelisimder men sharttardyń 29%-y — Shyǵys Qazaqstan oblysy.

«Oblystyń damý keleshegin qarastyra otyryp jáne óńirdi túbegeıli jańa deńgeıge shyǵarýǵa qabiletti strategııalyq uzaq merzimdi rezervterdi taldaı otyryp, naqty sektordyń vektorlyq baǵyty retinde agrarlyq keshen anyqtalǵan» dedi ákim.

Sarapshylar Qytaı naryǵyn soıa boıynsha 97 mln tonna kóleminde baǵalaıdy. QHR jyl saıyn 3 mln tonnaǵa jýyq júgeri ımporttaıdy. Osy eki baǵyt aldaǵy birneshe jylda ShQO-nyń aýyl sharýashylyǵy qurylymyn ózgertedi.

Ekonomıkanyń taǵy bir bolashaǵy bar damýy — oblystyń mıneraldyq-shıkizat bazasyna negizdelgen jańa tehnologııalar jasaý, óndiristik prosesterdi jańǵyrtý.

Ákim atap ótkendeı, 2040 jylǵa qaraı búgingi tańda jumys istep turǵan iri ken oryndary is júzinde taýsylatyn bolady. Osy baǵytty tolyqqandy damytý úshin 1 km-den astam tereńdikte geologııalyq barlaý jáne izdestirý jumystarynyń joǵary deńgeıin uıymdastyryp, sırek jáne jerde sırek kezdesetin metaldar ken oryndaryn óndirý jáne qaıta óńdeý baǵdarlamasyn qabyldap, ınfraqurylymdy salý qajet.

Sondaı-aq D. Ahmetov Abaı Qunanbaıulynyń 175 jyldyq mereıtoıyna daıyndyq máselesine jekeleı toqtalyp ótti.

«Barlyq merekelik is-sharalardyń ıdeologemasy Tuńǵysh Prezıdentimiz – Ult kóshbasshysy Nursultan Nazarbaevtyń “Rýhanı jańǵyrý” baǵdarlamasy men “Uly dalanyń jeti qyry” maqalasyndaǵy mindettermen úndes. Jalpy 560 is-shara ótkizý kózdelgen, onyń 24-i halyqaralyq, 21-i ulttyq, 515-i óńirlik deńgeıde. Iske asyrylatyn jobalar ıdeologııalyq, rýhanı jáne aǵartýshylyq mindettermen birge, oblystyń ekonomıkalyq, ınfraqurylymdyq, týrıstik áleýetin odan ary damytýdy qamtamasyz etedi. Olardyń jalpy somasy 20 mlrd teńgeni quraıdy» dep túıindedi óńir ákimi. 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Uqsas jańalyqtar