Aımaqtar • 24 Qańtar, 2020

Qyzylorda: Kásipkerler ótinishi eskeriledi

109 retkórsetildi

Qyzylorda oblysynyń kásipkerler palatasy ókilderi oblys kásipkerlerimen kezdesýin jalǵastyrýda. Bul týraly palatanyń baspasóz qyzmeti habarlady.

Syrdarııa aýdany Besaryq aýylyndaǵy «Abaı-Dáýlet» seriktestiginde mal sharýashylyǵymen aınalysatyn kásip ıelerimen, Shaǵan aýylyndaǵy «Kerýen» jol boıy kesheninde qyzmet kórsetý salasyndaǵy iskerlermen kezdesý ótti. Oǵan Palata dırektorynyń orynbasary Pirmuhammed Syzdyqov, Kásipkerlerdiń quqyǵyn qorǵaý keńesiniń tóraǵasy Bolat Nurhojaev jáne aýdandyq fılıal dırektory Erlan Ábdikerov qatysty.

Kezdesýde kásip ıeleri nesıe beretin qarjy uıymdarynyń, baǵalaýshylardyń kepilge qoıatyn múlikterin tómen baǵalaıtyndyqtaryn aıtty. Sol úshin de aınalym úshin qajetti aqshany kóbine shaǵyn qarjy uıymdary arqyly rásimdeıdi. Al onyń paıyzy óte joǵary bolyp otyr.

Bul máselege qatysty Kásipkerler palatasy dırektorynyń orynbasary Pirmuhammed Syzdyqov aýyl sharýashylyǵy salasyndaǵy memlekettik baǵdarlamalardy túsindirip, tıimdi tustaryna toqtalyp ótti.

Jol boıy keshenin qolǵa alǵan kásipkerler ınternet jelisiniń oıdaǵydaı jumys istemeıtindigin basty másele retinde atady.

Toǵyz joldyń torabynda ornalasqan bizdiń keshenge kelýshiler kóp.

Olardyń arasynda sheteldikter de bar. Alaıda olardyń birinshi suraıtyn qajettiligi – ınternet. «Qazaqtelekom» arqyly qostyrǵanymyzben sapasy syn kótermeı tur, 5-6 adam qatar qosylǵanda múldem tartpaı qalady, deıdi kásip ıesi Gúlmıra Medeýova.

Munan ózge, kezdesýde jol boıy keshenderine bankomat ornatý, tutynatyn sý baǵasynyń qymbattyǵy, salyq organdary mamandarynyń jónsiz talaptary jaıly aıtyldy. Ár saýalǵa qatysty mamandar túsindirme júrgizip, máselelerdi tıisti organdarmen birge sheshetindikterin jetkizdi.

Búginde Syrdarııa aýdanynda 2081 kásipker bar. О́tken jyly Palataǵa olardan quqyǵyn qorǵaýdy suraǵan 10 ótinish túsip, onyń 5-eýi oń sheshilgen. Qalǵandary boıynsha túsindirme jumystary júrgizilgen. Kásipkerlikke qatysty 560 azamatqa keńes berilgen. «Bastaý» bıznes jobasy boıynsha 230 azamat oqyp, olardyń 132-si 100-den 200 aılyq eseptik kórsetkishke deıin memlekettik baǵdarlama aıasynda qaıtarymsyz qarjy aldy.

Aýdandyq fılıal dırektorynyń aıtýynsha, qazirdiń ózinde «Bastaýdy» oqýǵa nıetti azamattar kóptep ótinish bildirýde. Jyl basynan beri 100-ge jýyq aýdan turǵyny tirkelgen.  

Sońǵy jańalyqtar

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar