Aımaqtar • 24 Qańtar, 2020

Túrkistan: Múmkindigi shekteýli jandar qolarba sapasyn synaqtan ótkizdi

38 retkórsetildi

Mundaı shara óńirde alǵash ret oryn alyp otyr. Qolarba sapasyna narazylyqtyń jıi týyndaýyna baılanysty birneshe taraptardyń basyn qosqan oblys basshylyǵy, memleket tarapynan beriletin áleýetti ónim sapasyn arttyrýdy kózdep otyr. Osyǵan oraı oblys ákiminiń orynbasary Ulan Tájibaev múgedektigi bar azamattar men taýar jetkizýshi áleýetti ónim berýshiler retinde qoǵamdyq múgedekter uıymdary arasynda dóńgelek ústel ótkizdi. Bul týraly Túrkistan oblysy ákimdiginiń baspasóz qyzmeti habarlady.

Basqosýda kórý, estý qabileti jaǵynan múgedektigi bar azamattarǵa memleket tarapynan beriletin ońaltýdyń tehnıkalyq quraldary jóninde de pikir almasty. Kezdesý barysynda áleýetti ónim berýshiler óz taýarlaryn tanystyrdy. Al, qolarbany tutynýshylar olardyń sapasy men yńǵaılylyǵyn synap kórdi. Múgedektigi bar azamattar qolarbalar men baldaqtardyń sapasyn synaqtan ótkizip, birqatar talap qoıdy.

Balalar men eresekterge arnalǵan qolarbaǵa tańdaý jasaýǵa atsalysqan bılik basshylary eń aldymen olardyń sapasy men óndirýshisine nazar aýdarylatynyn jetkizdi. Sondaı-aq aldaǵy ýaqytta arbaǵa tańylǵan azamattyń salmaǵyna men boıyna qarap tańdaý jasalatyn bolady. Osylaısha taraptar ózara pikir almasyp, ortaq mámilege keldi.

Búginde respýblıkada turatyn múgedektigi bar adamdardyń 14% Túrkistan oblysynyń azamattary quraıdy. Iаǵnı, 682 myń azamattyń 93 myńy oblystyń úlesinde. Olardyń ishinde 3 myńnan astamy qolarbalardy paıdalanady.
Jyl saıyn oblys bıýdjeti esebinen aýystyrý merzimine qaraı myńnan astam adam qolarbamen qamtamasyz etiledi. 2019 jyly barlyǵy 1924 qolarba taratyldy. Jyl ishinde bul kórsetkishter qolarbalardyń aýystyrý merzimine qaraı qosymsha kóterilýi múmkin.

Aýystyrý merzimderi qolarbalardyń túrlerine qaraı Qazaqstan Respýblıkasynyń Densaýlyq saqtaý jáne áleýmettik damý mınıstriniń «Múgedekterdi ońaltýdyń keıbir máseleleri týraly» buıryǵyna sáıkes belgilenip, bólmelik qolarbalar – 7 jylǵa, serýendik qolarbalar - 4 jylǵa beriledi.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar