Prezıdent • 24 Qańtar, 2020

Prezıdent ákimdermen keńes ótkizdi

94 retkórsetildi

Qasym-Jomart Toqaev «Aqorda» rezıdensııasynda oblystardyń jáne Nur-Sultan, Almaty, Shymkent qalalarynyń ákimderimen keńes ótkizdi. Bul týraly Aqordanyń baspasóz qyzmeti habarlady.

Prezıdent oblystar men respýblıkalyq mańyzy bar qalalardyń basshylaryna óńirlerdi damytýdyń ózekti máselelerin jedel sheshý jóninde birqatar naqty mindet júktedi.

– El ekonomıkasyn damytýdyń negizgi mindeti – halyqtyń turmys sapasyn jaqsartý jáne ishki turaqtylyqty saqtaý. Sondyqtan bárimiz memleket múddesi jolynda eńbek etýge tıispiz, dedi Memleket basshysy.

Qazaqstan Prezıdenti bıylǵy jyl qoǵamdyq-saıası oqıǵalarǵa toly bolatynyn atap ótti. Onyń pikirinshe, mereıtoılarǵa arnalǵan is-sharanyń barlyǵy iskerlik jáne ataýly sıpat alýy tıis.

– Bul ádettegi asta-tók merekeniń biri emes, qaıta ıdeologııalyq turǵydan ilgerileýge jáne qazaqstandyqtardy biriktirýge baǵyttalǵan pragmatıkalyq sharalar kesheni bolýy kerek. Prezıdent Ákimshiligi óńirlerge sharalardyń ıdeologııalyq maqsat-mindetine qatysty naqty nusqaý beredi, dedi Prezıdent.

Qasym-Jomart Toqaev Volonter jylyn sapaly ótkizýdiń mańyzdylyǵyna nazar aýdaryp, ákimderge munyń mınıstrliktiń nemese Úkimet deńgeıinde ótkiziletin kezekti bir aksııa emes, elimizdiń búkil aımaqtaryndaǵy azamattardyń basym bóligin qamtıtyn júıeli jumys ekenin eskertti. Bul iste atqarýshy organdar sheshýshi ról atqarýy tıis.

Sonymen qatar Memleket basshysy ákimderge turǵyndar tarapynan túsetin ótinishter men talap-tilekter boıynsha atqarylatyn jumysty kúsheıtýdi, jańa formattaǵy ataýly áleýmettik kómekti berý kezinde maqsatty toptarǵa tıimdi túsindirý jumystaryn júrgizýdi, sondaı-aq, mindetti áleýmettik medısınalyq saqtandyrýdy engizýdi tapsyrdy. Prezıdent halyq jıi tutynatyn áleýmettik mańyzy bar taýarlar baǵasynyń turaqtylyǵyn qamtamasyz etýdi talap etti.

Qasym-Jomart Toqaev ákimderge turǵyndardyń qaýipsizdigin saqtaý jáne oqys oqıǵalardyń aldyn alý úshin tıisti sharalar qabyldaýdy tapsyryp, tótenshe jaǵdaılardan saqtanýdyń mańyzdylyǵyn atap ótti.

Qazaqstan Prezıdenti sóziniń sońynda óńirlerdi damytý jáne áleýmettik máselelerdi sheshý ákimderge júktelgen mańyzdy mindet ekenin aıtty.

Keńesten keıin Memleket basshysy oblystar men respýblıkalyq mańyzy bar qalalardyń birqatar ákimderimen jekeleı kezdesti.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Uqsas jańalyqtar