Qoǵam • 24 Qańtar, 2020

Nur-Sultanda 100 shaqyrym jol salynyp, jóndeledi

38 retkórsetildi

Prezıdent Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda A. Kólginov birqatar mańyzdy jobalardyń iske qosylatyny týraly aıtyp berdi. 

«Máselen, Qabanbaı batyr dańǵylyn 8 jolaqqa deıin keńeıtý jáne Qorǵaljyń tas joly men Qabanbaı batyr jáne Turan dańǵyldarynyń qıylysynda jol aıryǵyn salý boıynsha jumystarǵa daıyndyq júrgizilýde. Barlyǵy qala boıynsha 100 shaqyrym joldy salyp, jóndeý josparlanǵan. 

Sonymen qatar Uly Dala dańǵyly boıynsha eki kópir — Esil ózeni arqyly jáne Nura-Esil kanaly arqyly ótetin kópir qurylysyn aıaqtaý josparlanǵan. 

Táýelsizdik dańǵyly boıymen Esil ózeni arqyly jańa kerme kópir qurylysy kózdelgen. Atalǵan 3 kópir men joldar qurylysy qalanyń kólik logıstıkasyn jaqsartyp, joldardyń júktemesin azaıtady. 

Qalany abattandyrý úshin qoǵamdyq keńistikterdi damytý baǵdarlamasy ázirlengen, ol «Halyqtyń qatysý bıýdjeti» aıasynda iske asyrylady. 

2019 jyly 160-qa jýyq aýla abattandyryldy, bıyl da sonsha aýlany abattandyrý kózdelgen. 

1,5 myń sham aýystyryldy, únemdeý — 40%. Jumystar jalǵasýda. 

Memleket basshysynyń tapsyrmasy boıynsha qala kósheleri men ǵımarattardy bezendirýdiń biryńǵaı dızaın-kody bekitildi. 

«Halyq únine qulaq asatyn memleket» tujyrymdamasy aıasynda 2019 jyly 11 myńnan asa adam 4 aýdan men qala basshylyǵynyń qabyldaýynda boldy. 

Toqsan saıyn ashyq ákimdik sharasy ótkiziledi. 3 aýdanda «Open Akimat» ashyldy. 

«Januıa» ortalyǵynda 5 aıdyń ishinde 7 myńǵa jýyq adam qabyldanyp, olardyn 4 myńǵa jýyq máselesi sol jerde sheshildi.

13 myń az qamtylǵan otbasylardyń balalary mektepke qajetti qural-jabdyqtarmen tolyq qamtyldy» dedi A. Kólginov.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar