Buǵan deıin biz 81 kılo salmaq dárejesinde baq synaǵan qos balýanymyz - Dıdar Hamza men Rýslan Musaev jáne 70 kılo salmaqtaǵy Móldir Narynovanyń alǵashqy aınalymdarda súringeni jaıynda jazǵan edik.
Kóp keshikpeı taǵy úsh qandasymyz jarysty merziminen buryn aıaqtady. 73 kılo salmaqtaǵy Aqylbek Serik molovalyq Vıktor Sterpý men fransııalyq Vılıam Shaınege shań qaptyrǵanymen, armenııalyq Ferdınand Karapetıannyń osal tusyn taba almady.
Jansaı Smaǵulov ta úshinshi aınalymnan asa alǵan joq. Ol amerıkalyq Aleksander Týrner men kanadalyq Konstantın Gabýndy jeńgenimen, tájikstandyq Behrýzı Qojazodadan utyldy.
70 kılo salmaqtaǵy Zere Bektazqyzy da alysqa uzaı almady. Ol tusaýkeser kezdesýinde-aq ırlandııalyq Megan Fletcherge jol berdi.
