Parlament • 24 Qańtar, 2020

D.Nazarbaeva aýyl sharýashylyǵy salasynyń ókilderimen kezdesti

149 retkórsetildi

Senatta parlamenttik tyńdaýlarǵa daıyndyq aıasynda aýyl sharýashylyǵy salasynyń ókilderimen kezdesýler ótti. Bul týraly Parlament Senatynyń baspasóz qyzmeti habarlady.

Senat Tóraǵasy Darıǵa Nazarbaeva búgin Qazaqstan Respýblıkasy Ulttyq ekonomıka mınıstrligi Statıstıka komıtetiniń, Aýyl sharýashylyǵy mınıstrligi Veterınarlyq baqylaý jáne qadaǵalaý jónindegi komıtetiniń ókilderimen, Aqmola, Qaraǵandy jáne Túrkistan oblystardyń veterınarııa jáne aýyl sharýashylyǵy basqarmalardyń basshylarymen kezdesti. 

Ulttyq ekonomıka mınıstrligi Statıstıka komıtetiniń tóraǵasy Nurbolat Aıdapkelov óz sózinde aýyl sharýashylyǵy salasynyń statıstıkalyq derekteri taýar óndirýshilerdiń úsh sanaty negizinde qalyptasatynyn aıtty. Olardyń qatarynda sharýa nemese fermer qojalyqtary, aýyl sharýashylyǵy kásiporyndary men jurtshylyq sharýashylyqtary bar.

Mekeme basshysy mal sharýashylyǵyndaǵy statıstıkalyq eseptiń qıyndyǵyn atap ótti. Onyń aıtýynsha, mal esebin júrgizý rásimderi pysyqtaý qajet etedi jáne onda aýyl sharýashylyǵy malyna chıp paıdalaný arqyly jeke nómir berý men jeke derekter bazasyna engizý ári veterınarııalyq pasport berý bolýy tıis. «Bul chıpter ázirshe sońǵy paıdalanýshyǵa deıin, ıaǵnı, veterınarǵa deıin jetkenshe belgili bir ýaqyt ótedi. Osy ýaqyt ishinde maldy eki aınalymǵa jiberýge bolady, ıaǵnı týǵyzyp, satyp jiberýge bolady» dedi N.Aıdapkelov. 

Kezdesýde sóz alǵan aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń tóraǵasy Arman О́teǵulov indetten, onyń ishinde túınemeden ólgen maldy kómetin oryndardy kútip-ustaý, abattandyrý jáne salýdy uıymdastyrý úshin qarjy bólý máselelerin jergilikti atqarýshy organdar tıisti túrde sheshpeı kele jatqanyn atap ótti.

A.О́teǵulovtyń aıtýynsha, veterınarııalyq stansııalar men pýnktterde veterınar mamandarynyń shtattyq sany men is júzinde qajettilikke sáıkes kelmeıdi, olardy kadrmen qamtamasyz etý mańyzdy máselelerdiń biri bolyp otyr. Mekeme basshysy sanıtarlyq, veterınarlyq-sanıtarlyq jáne fıtosanıtarlyq karantın sharalaryn qoldanýda memlekettik organdardyń kelispeýshilikteri týraly da aıtty.

Veterınarııalyq baqylaý jáne qadaǵalaý komıtetiniń tóraǵasy sala jumysynyń jaǵdaıyn jaqsartý týraly birqatar usynystaryn ortaǵa saldy. Malǵa arnalǵan dári-dármekti jetkizýde kidiristiń bolmaýy úshin veterınarııalyq preparattardy úsh jyldyq kezeńge satyp alý; epızootııa jáne panzootııa, mal urlyǵy jáne zańsyz oryn almastyrý jaǵdaılaryn anyqtaý maqsatynda veterınarııalyq polısııa qurýdy; memlekettik veterınarııalyq-sanıtarııalyq ınspektorlarǵa biryńǵaı kıim úlgisin engizýdi usyndy.

«Qazaq ǵylymı-zertteý veterınarııa ınstıtýty» seriktestiginiń Bas dırektory Ahmetjan Sultanov aýyl sharýashylyǵyndaǵy óndiris tizbeginiń barlyq satylarynda sandyq tehnologııalardy qoldanýdyń erekshe rólin atap ótti. Máselen, A.Sultanov maldy soıý barysynda onyń derekteri avtomatty túrde málimetter bazasynan alynyp tastalatyn bolady.

Darıǵa Nazarbaeva talqylaý kezinde agroónerkásip kesheninde sandyq tehnologııalardy jappaı qoldaný jáne malǵa bırka salý kezinde ony fermerlerdiń keńinen paıdalanýyn yntalandyrý, sondaı-aq ǵaryshtyq monıtorıng júıesin paıdalaný qajettigine qoldaý bildirdi. «Biz básekege qabilettilikti joǵaltyp bara jatyrmyz. Búgin bizge jyldamdyq qajet, al sıfrlandyrý oǵan múmkindik berip otyr. Eger shyn máninde, barlyq kúshti osyǵan salǵanda óte tez ári qysqa merzimde atqarýǵa bolady. Qyzyqtyrý kerek», - dedi D.Nazarbaeva.

Kezdesý barysynda Qaraǵandy oblysynyń veterınarııa basqarmasynyń basshysy Qaıyrbek Tursynbekov mal dárigerleri shalǵaı aýyldarda tap bolatyn qıyndyqtar týraly aıtyp berdi. Q.Tursynbekovtiń pikirinshe, oǵan  eńbekaqynyń azdyǵy, bilikti mamandardyń jetispeýi, standartty veterınarııalyq stansııalar men qyzmet kólikteriniń bolmaýy jatady. Ol osyǵan baılanysty «Aýyl – el besigi» jobasy aıasynda vetstansııalar men aýrýdan ólgen maldy kómetin oryndar salýǵa respýblıkalyq bıýdjetten qarjy qarastyrýdy jáne aýyl sharýashylyǵy janýarlaryn esepke qoıý erejesin memlekettik qyzmetter tizilimine engizýdi usyndy.

Qaıyrbek Tursynbekov ıesiz mysyq pen ıtterdi aýlaýǵa resýrstardyń jetimsizdigine erekshe nazar aýdardy. Ol veterınarııalyq qyzmetter jumysynyń kóptigine baılanysty janýarlardy aýlaý men ustaý máselelerine nazar aýdarýǵa árqashan úlgere bermeıtinin atap ótti.

Senat basshysy qalyptasqan jaǵdaıdyń sheshimi retinde salalyq mınstrlik tarapynan qoldaý kórsetýdi usyndy. «Keıbir qalalarda jeke tulǵalar óz qarajaty esebinen mysyq pen ıtke arnalǵan osyndaı veterınarııalyq pýnkt ashyp otyr. Ol jumyspen qoǵamdyq birlestikter, eriktiler, janýarlardy jaqsy kóretinder aınalysady. Biraq ylǵı qol jaıyp surap júredi. Múmkin, olarǵa Aýyl sharýashylyǵy mınıstrligi tarapynan shaǵyn qoldaý qajet shyǵar? Olarda ınfraqurylym bar ǵoı» dedi D.Nazarbaeva.

Darıǵa Nazarbaeva kezdesýdiń qorytyndysy boıynsha Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine sharaǵa qatysýshylar qozǵaǵan problemalyq taqyryptardy zerdeleýdi jáne olardy parlamenttik tyńdaýlarda talqylaýǵa daıyndaýdy tapsyrdy.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Uqsas jańalyqtar