Taǵaıyndaý • 25 Qańtar, 2020

Oraldaǵy Zııatkerlik mektepke jańa basshy taǵaıyndaldy

41 retkórsetildi

«Nazarbaev Zııatkerlik mektepteri» DBBU Qamqorshylyq Keńesi jáne Basqarmasynyń sheshimimen Oraldaǵy fızıka-matematıkalyq baǵyttaǵy Nazarbaev Zııatkerlik mektebiniń dırektory bolyp Aıdarbek Tólepuly Aıtpýkeshev taǵaıyndaldy.

Ujymǵa jańa basshyny «Nazarbaev Zııatkerlik mektepteri» DBBU Basqarma tóraıymynyń orynbasary Svetlana Ispýsınova tanystyrdy.

«Aıdarbek Tólepuly A.S.Pýshkın atyndaǵy Oral pedagogıkalyq ınstıtýtynyń fılologııa fakýlteti boıynsha támamdaǵan. Eńbek jolyn orys tili jáne ádebıeti muǵalimi retinde bastap, keıin Jánibek aýdanyndaǵy mekteptiń dırektorynyń orynbasary, mektep dırektory boldy. Ár jyldary Batys Qazaqstan oblystyq pedagog kadrlar biliktiligin arttyrý jáne qaıta daıarlaý ınstıtýtynyń oqý-ádistemelik jumystar jónindegi prorektory, «Nazarbaev Zııatkerlik mektepteri» DBBU Pedagogıkalyq sheberlik ortalyǵynyń Oral qalasyndaǵy fılıaly dırektory qyzmetin atqardy. Sońǵy alty jylda Atyraý qalasyndaǵy hımııa-bıologııalyq baǵyttaǵy Nazarbaev Zııatkerlik mektebin basqardy» delingen Oraldaǵy Zııatkerlik mekteptiń baspasóz qyzmetinen túsken málimette.

Aıdarbek Tólepuly bilim berý júıesin jańartýǵa baǵyttalǵan 10-nan astam ınnovasııalyq jobaǵa jetekshilik etken, qatysqan. Bilim berý uıymdary basshylarynyń biliktiligin arttyrý baǵdarlamasyn jasaqtaý boıynsha sertıfıkattalǵan trener jáne avtorlar tobynyń múshesi. Ybyraı Altynsarın atyndaǵy tósbelgi ıegeri.

Aıta keteıik, Oral shaharyndaǵy NIS-tiń burynǵy dırektory Sholpan Qadyrova Nur-Sultan qalalyq bilim basqarmasynyń basshysy qyzmetine taǵaıyndaldy.

 

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar