«Jer silkinisi saldarynan Elıazyg provınsııasynda qaıtys bolǵandar sany 18-ge jetti. 405 adam jaraqat aldy. Sondaı-aq kórshiles Malatıa provınsııasynda 148 adam jaraqattandy. Qazir qulaǵan úılerdiń astynda qalǵan 30 adamdy qutqarý úshin qoldan kelgenniń bárin jasap jatyrmyz» dedi Túrkııanyń Ishki ister mınıstri Sýleıman Soılý.
Sondaı-aq Densaýlyq saqtaý mınıstri Fahrettın Kodjanyń aıtýynsha, Elıazyg jáne Malatıa provınsııalaryna qosymsha 170 medısınalyq jedel-járdem kóligi men tikushaq jóneltildi.
Zardap shekken aýdandarǵa gýmanıtarlyq kómek kórsetýge 100-ge jýyq júk kóligi jiberildi. Olar jergilikti turǵyndarǵa azyq-túlik, dári-dármek jáne jyly kórpeler jetkizetin bolady.
Mundaı jer silkinisi Túrkııa úshin tańsyq emes. Buǵan deıin 1999 jyly Izmıt qalasynda bolǵan 7,6 baldyq zilzaladan 17 myń adam qaıtys bolǵan edi.
