Aımaqtar • 25 Qańtar, 2020

BQO polısııasy 440 otbasyn tekserdi

82 retkórsetildi

Qazaqstan polısııasy otbasylyq-turmystyq qatynastar salasyndaǵy quqyq buzýshylyqtarǵa jol bermeý úshin 20 qańtar-20 aqpan aralyǵynda «Turmys» respýblıkalyq jedel profılıktıkalyq is-sharasynbastady.

- Sharanyń maqsaty otbasynda, turmystyq qatynasta kezdesetin qylmystardy anyqtaý jáne jolyn kesý. Ol úshin «maskúnem», «nashaqor», t.b. qolaısyz otbasysanatynda esepte turǵan adamdardy tolyq tekseremiz, - deıdi BQO Polısııa departamenti baspasóz qyzmetiniń jetekshisi Bolatbek Belgibekov.

Aksııa jańa bastalsa da, polısııa eki kún ishinde 440 adamdy tekserip úlgergen.

BQO polısııasyynń habarlaýynsha, óńirde 2,5 myńnan astam adam osyndaı túrli sanat boıynsha arnaıy esepte turady. Mysaly, 1325 adam – maskúnemder tiziminde tursa, 319 adam – nashaqorlar esebinde. Shyrqy jıi buzylatyn 402 otbasynda kámeletke tolmaǵan jasóspirim bar, bul da polısııanyń erekshe qadaǵalaýynda bolatyn másele.

Reıdtiń eki kúndik nátıjesinde turmystyq zorlyq-zombylyqtyń 153 faktisi anyqtalyp, 43 qorǵaý nusqamasy shyǵarylǵan. 104 quqyq buzýshy ákimshilik jaýapkershilikke tartylǵan.

Polısııa turmystyq qarym-qatynas salasyndaǵy qylmys pen quqyq buzýshylyqty anyqtaý, qolaısyz otbasylardy tizimge alý, zardap shekkenderge tıisti kómek kórsetý jumystaryna ÚEU músheleri men eriktilerdi shaqyrdy. Batys Qazaqstan oblystyq Jastar saıasaty máseleleri jónindegi basqarmamen birlesip Oral qalasy aýmaǵynda turatyn qolaısyz otbasylardy tekserýdi uıymdastyrdy. Bul óte tıimdi bolyp tur, óıtkeni eriktiler ómirde qıyn jaǵdaıǵa tap bolǵan balalardy qoǵamdyq jumystarǵa, sport úıirmelerine tartyp, jan-jaqty kómek kórsetýde. Sondaı-aq túrli esepte turǵan ata-analar mamandardan ár salada aqyl-keńes alyp jatyr.

 

Batys Qazaqstan

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar