Aımaqtar • 25 Qańtar, 2020

BQO-da «Jaıyq qyrany-2020» búrkitshiler saıysy bastaldy

133 retkórsetildi

Batys Qazaqstan oblysynyń Terekti aýdanyna qarasty Saryómir aýylynda eki kúnge sozylatyn «Jaıyq qyrany-2020» respýblıkalyq búrkitshiler saıysy bastaldy. Ulttyq dodaǵa Qazaqstannyń 8 oblysynan qusbegiler qatysýda.

Ulttyq qusbegilik óner múldem joıylyp ketken dep sanalatyn Batys Qazaqstan oblysynda tuńǵyshy búrkitshiler saıysy 2018 jyly Oral qalasynda ótken bolatyn. Ol baıqaýǵa jergilikti turǵyndar tarapynan erekshe qyzyǵýshylyq boldy. Tipti Reseı Federasııasynyń kórshiles aımaqtary – Samara, Tolıattı, Ýlıanovsk, Permqalalarynan keldi. Uıymdastyrýshylar sol joly mundaı erekshe ónerdi óńirde damytý qajettigin aıtqan bolatyn.

«Jaıyq qyrany-2020» saıysyn uıymdastyrýshylardyń biri, TourWestKaz tobynyń jetekshisi Aıbolat Qurymbaevtyń aıtýynsha, bıylǵy saıysty tamashalap kórýge myńnan asa týrıster jınalýy múmkin. Saıys ótetin Saryómir aýyly – Oral qalasynan 100 km shamasynda, belgili Shalqar kóliniń jaǵasynda ornalasqan eldimeken. Aýyldyń irgesindegi qyrat – Sasaı taýynyń bıiginde kıiz úıler tigilip, qusbegilerge de, kelýshilerge de barlyq jaǵdaı jasalǵan. Jaz boıy Shalqar kóline tynyǵýshylarǵa kıiz úı tigip, qyzmet kórsetetin aýyl halqy týrıst qabyldaý mádenıetin meńgergen deýge bolady. Kelýshiler jazýshy Hamza Esenjanovtyń mýzeıin tamashalap, aýyl ishindegi bulaqty kórip, Sasaı taýynan syrǵanaq tebýge de múmkindik alady.

Bıylǵy búrkitshiler saıysyna elimizdiń 8 oblysynan kelgen qusbegiler 14 búrkit, 4 suńqar, 3 qarshyǵa ákelingen. Saıys baǵdarlamasynda qyran qustardy túlki, qoıan jáne shilge salý syndy synaqtar bar.

 

Batys Qazaqstan

Sońǵy jańalyqtar

Qaraǵandy oblysy onlaın-oqytýǵa daıyn

Aımaqtar • Búgin, 16:41

? (Suraq belgisi) Poema

Ádebıet • Búgin, 16:23

Senzýrasyz Abaı

Rýhanııat • Búgin, 14:34

BQO: 108 myń oqýshy qashyqtan oqıdy

Aımaqtar • Búgin, 13:23

Qyzylorda: Bir aptanyń baıany

Aımaqtar • Búgin, 12:52

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Uqsas jańalyqtar