Álem • 27 Qańtar, 2020

Túrkııa: zilzaladan qaza tapqandar sany 31-ge jetti

16 retkórsetildi

Túrkııanyń shyǵysynda osy jyldyń 24 qańtarynda saǵat 20:55-te 6,8 ball qýatymen bolǵan jer silkinisinen qaza tapqandar men jaraqat alǵandardyń sany boıynsha jańa derekter tirkelýde. Naqtylaı aıtqanda, «Anadoly» agenttiginiń usynǵan málimetterine qaraǵanda, atalǵan jer silkinisinen qaza bolǵandar sany 31-ge jetken, al medısınalyq kómekke 1566 adam júgingen.

Sońǵy derekter boıynsha, qutqa­rý­shy­lar úıindiler astynda qalyp qoıǵan 44 adamdy alyp shyqqan. Zilzaladan 76 ǵımarat qırap, 643 nysanǵa qatty nuqsan kelgen. 425 nysan jeńil jáne ortasha deńgeıde zaqymdanǵan. Zilzaladan keıin ile-shala 599 aftershok tirkelgen.

Túrkııa úkimeti janyndaǵy Tótenshe jaǵdaılardy aldyn alý jáne onyń saldaryn joıý jónindegi basqarmanyń (AFAD) málimetine qaraǵanda, jerasty epısentri Sıvrıdje ýezinde Elazyǵ provınsııasynda ornalasqan.

Sonymen qatar jerasty dúmpýleri Elazyǵqa jaqyn ornalasqan provınsııalarda (Adana, Hataı, Osmanıe, Týnjelı, Gazıantep, Shanlyýrfa, Malatıa, Mardın, Samsýn, Tokat, Chorým jáne Kaıserı), sondaı-aq Sırııanyń soltústiginde sezilgen.

Qazaqstan Syrtqy ister mınıstrligi habarlaǵandaı, Túrkııadaǵy zilzaladan zardap shekkender arasynda qazaqstandyqtar joq.

Túrkııa Prezıdenti Redjep Taııp Erdoǵanǵa Memleket basshysy Qasym-Jomart Toqaev jáne Elbasy Nursultan Nazarbaev kóńil aıtty.

Aıta keteıik, Túrkııa seısmıkalyq qaýipti aımaqta ornalasqan memleket. 1999 jyly Túrkııanyń batysyndaǵy Izmıt qalasynda kýatty jer silkinisi bolyp, 17 myńnan astam adam qaza taýyp, shamamen 500 myń adam baspanasyz qalǵan edi.

 

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar