Úkimet • 27 Qańtar, 2020

Maqsat – jol sapasyn jaqsartý

45 retkórsetildi

Joldar salý, jóndeý, qaıta jańǵyrtý jumystarynyń barlyǵy eń birinshi kezekte jol ınfraqurylymyn jaqsartýǵa, ıaǵnı qazaqstandyqtardyń ómir deńgeıin kóterýge baǵyttalǵan. О́tken jyl qorytyndysynda respýblıkalyq mańyzdaǵy joldardyń 88%, al jergilikti joldardyń 71%  jaqsy jáne qanaǵattanarlyq deńgeıge jetkizildi. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

2019 jyly elimizdiń avtojol salasynda eleýli ózgeris boldy. Jalpy paıdalanýdaǵy avtojoldardyń, eldi mekenderdegi jáne qalalardaǵy joldardy jóndeý jumystarynyń sapasyn baqylaý maqsatynda Indýstrııa jáne ınfraqurylymdyq damý mınıstrligi Avtomobıl joldary komıtetine qarasty «Ulttyq jol aktıvteri sapasy ortalyǵy» respýblıkalyq memlekettik kásiporny quryldy. Sodan bergi 9 aı ishinde Ortalyq mamandary avtojoldardy 8 myń ret tekserip, 5 myńǵa tarta buzýshylyq anyqtady. Qurylys materıaldarynyń 12 myńnan astam synamasyn alyp, zerttedi. Aqmola, Qostanaı, Shyǵys Qazaqstan, Batys Qazaqstan jáne Pavlodar oblystary men Nur-Sultan qalasy joldarynda qalyńdyǵy men tyǵyzdyǵynyń jetkiliksizdigi, asfalt-beton jabynynyń sýǵa qanyǵý normasynyń asyp ketýi sııaqty óreskel qatelikter anyqtaldy. Nátıjesinde 700 mln. teńge somaǵa eskertýler joıylyp, merdiger uıymdar, jobalaýshylar men tehnıkalyq qadaǵalaý qyzmetteri ákimshilik jaýapkershilikke tartyldy. Bul sharanyń barlyǵy eldegi joldar sapasyn jaqsartýǵa baǵyttalǵan.             

О́ńirler arasynda jaqsy jol jabyny boıynsha Mańǵystaý oblysy kósh basynda. Onda joldardyń 93% jaqsy jáne qanaǵattanarlyq jaǵdaıda. Al sońǵy orynda joldarynyń 31% ǵana jaqsy kórsetkshke ıe Batys Qazaqstan oblysy tur. Respýblıkalyq joldarynyń jaǵdaıy 100% jetken óńirler de bar, olar – Qyzylorda jáne Túrkistan oblystary. Atyraý oblysynda respýblıkalyq joldar sapasy búgingi tańda 66% shamasynda. Bul - óńirler arasynda eń tómengi parametr. 

Jol boıyndaǵy qyzmetter jaqsy jáne qolaıly bolmaı, jol jelisi de sapaly bolmaıdy. Qr Indýstrııa jáne ınfraqurylymdyq damý mınıstrligi buǵan erekshe kóńil bólip otyr. Qazir respýblıkalyq joldar boıynda 1803 qyzmet kórsetý nysany jumys istese, olardyń 883-i nemese 49% ǵana Ulttyq standart talaptaryna saı keledi. Ákimdikterdiń belsendi qyzmeti nátıjesinde Atyraý, Qostanaı, Aqmola jáne Aqtóbe oblystary jaqsy nátıje kórsetip otyr. Bul óńirlerde jol boıy qyzmetiniń sapasy 50%-dan asady. Mańǵystaý, Soltústik Qazaqstan, Túrkistan jáne Batys Qazaqstan oblystarynda kerisinshe ol 40%-da jetpeıdi.  

Jýyrda qabyldanǵan «Nurly jol» ınfraqurylymdyq damý memlekettik baǵdarlamasy sapaly kólik ınfraqurylymyn qurýǵa baǵyttalǵan. Ol halyq úshin yńǵaıly jáne qoljetimdi bolyp, eńbek ónimdiligi men ómir sapasyn arttyrady. Nátıjesinde respýblıkalyq joldardyń 100%, oblystyq jáne aýdandyq joldardyń 95% jaqsy jáne qanaǵattanarlyq jaǵdaıǵa jetkizilýi tıis.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar