Búginde atalǵan «Nur-Kapıtal» baǵdarlamasy aıasynda 121 joba úshin 2,4 mlrd. teńgege nesıe alynyp, myńnyn ústinde jańa jumys orny quryldy. Sonyń ishinde, kósh bastap turǵan Jańaózen qalasynda 38 joba, Muńaıly aýdanynda 44 joba, Beıneý aýdanynda 12 joba, Túpqaraǵan aýdanynda 11 joba, Mańǵystaý adanynda 9 joba, al Qaraqııa aýdanynda 7 joba júzege asyryldy.
Joba aıasynda «О́zenMunaıGaz» AAQ-tan 900 mıllıon teńge jáne «Damý» qorynan 1,8 mlrd. teńge qarajat bólingen. Oblystyń kásipkerlik salasyn qoldaý maqsatynda jalpy quny 2,7 mlrd. teńge bolatyn nesıe resýrstary baǵyttaldy. Bul qarajat AQ «Forte bank», AQ «Sberbank», AQ «Qazaqstan Halyq Banki», sondaı-aq, AQ «Bank Sentr Kredıt» bankteri arqyly 8,5% bólinip, jergilikti bıýdjet boıynsha 7,5 paıyzben sýbsıdııalanǵan. Sáıkesinshe, sońǵy qaryz alýshy úshin paıyzdyq mólsherleme 1% quraıdy.
Beriletin qarajat ınvestısııalarǵa (negizgi quraldardy satyp alý jáne modernızasııalaý) nesıe somasynyń 30 paıyzynan asyrmaýdy maqsat etip, ınvestısııalyq nesıe aıasynda aınalym kapıtalyn tolyqtyrýǵa bólinedi.
Nesıe merzimi: ınvestısııalar úshin - 7 jylǵa deıin, al aınalym qarajattaryn tolyqtyrý úshin - 3 jylǵa deıin.
Nesıe alýshy «Bıznestiń jol kartasy 2020» bıznesti qoldaý men damytýdyń memlekettik baǵdarlamasy aıasynda 85% deıin memlekettik kepildik ala alady jáne oǵan nesıe turaqty jańa jumys oryndaryn quraıtyn jaǵdaıda ǵana beriledi.
О́ndiris, aýyl sharýashylyǵy, týrızm, qyzmet kórsetý – «Nur-Kapıtal» jobasynyń negizgi baǵyttary bolyp sanalady, sáıkesinshe barlyq jobalar О́ńirlik úılestirý keńesiniń ruqsatynan ótedi.
