Qazaqstan • 27 Qańtar, 2020

«Astana Balet» teatrynyń úzdik qoıylymdary Almatyda saltanat qurady

43 retkórsetildi

«Astana Balet» teatry aldaǵy kúnderi Almatyda eń úzdik qoıylymdary men jańa premeralaryn pash etedi. Shyǵarmashylyq ujymnyń gastroli Abaı Qunanbaevtyń 175-jyldyq mereıtoıy aıasynda, 19-23 aqpan aralyǵynda Abaı atyndaǵy MAOBT sahnasynda saltanat qurady.

Alǵashqy kúni trýppa óziniń negizgi baǵytyn – neoklassıka men zamanaýı horeografııany úsh bir aktili balet arqyly usynady. «Astana Ballet presents» baǵdarlamasyna Djordj Balanchınniń«Concerto Barocco»,R.Rebektiń«A Journey of  Memory» jáne N.Fonteniń «Love’s Lost Idols» týyndylary engen.

Al 21-23 aqpanda «Kúlshe qyz» baletiniń almatylyq premerasy ótedi. Sergeı Prokofevtyń ǵalamat mýzykasy, aýqymdy dekorasııa, ǵajaıyp kostıýmderi barshamyzǵa bala kezden belgili. Horeograf Nadejda Kalınına sátti spektakldiń sıýjetterin bir arnaǵa toǵystyra kele, utymdy ázildi qoldana otyryp, eresekter men balalardyń kózaıymyna aınalǵan ertegi-baletin jasady.

Eki kórinisti balet Abaı atyndaǵy MAOBT sahnasyna yńǵaılanyp, yqshamdaldy. Biraq, spektakl avtorlary balettiń birde-bir ǵajaıyp detali umyt qalmaıtynyn, almatylyqtar bul spektakldiń ǵalamatyn sezine alatynyn aıtady. Kúlshe qyz partııasyn Qazaqstannyń eńbek sińirgen qaıratkeri Tatıana Ten, Nazerke Aımuhametova, Darına Qaırashevalar oryndasa, Hanzadany Qazbek Ahmedııarov, Súndet Sultanov jáne Farhat Bórıev somdaıdy.

«Sóz joq, Almatyda óner kórsetý zor jaýapkershilik júkteıdi. Sebebi, bolashaq kásibı mamandar Almatydaǵy balet mektebinen túlep ushady. Munda bizdiń ustazdarymyz qyzmet etedi. Týǵan-týystarymyz da osynda turady. Bul qalanyń kórermeni de erekshe – zerdeli, talǵampaz ári zııaly» deıdi, teatrdyń bas baletmeısteri Mýkaram Avahrı.

Sonymen qatar kórermen nazaryna balet álemindegi zor suranysqa ıe fotosýretshi Alekseı Krıvsovtyń fotokórmesi usynylady. «Astana Balet» teatrymen birlese jasaǵan jumystary, balerına men bıshilerge ózge qyrynan, keıde tipti, tosyn rakýrstan qaraýǵa múmkindik beredi. Bul kórmeniń ár fotosýreti – balet ǵalamaty men bıshilerdiń sheberligin áspetteıtin, qazaqstandyq balettiń ereksheligin, sonyń ishinde, ár ártisti daralaıtyn naǵyz óner týyndysy.

Oraıy kelip turǵanda, «Astana Balet» 2012 jyly Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen qurylǵanyn aıta ketý kerek. Teatrdyń bólek ǵımaraty 2016 jylǵy 10 jeltoqsanda paıdalanýǵa berildi.

Sahnany transformasııalaý úshin jyljymaly jáne kóterip-túsirý mehanıkasynyń sońǵy úlgileri qoldanylady. Sahna tórt kóterip-túsirý plansheti men tórt ártistik kótergishpen jabdyqtalǵan. Jaryq berý kesheninde dástúrli teatr qondyrǵylary jáne júıelerimen qatar, osy saladaǵy sońǵy ınnovasııalyq jańalyqtar qoldanylǵan. 800 jaryq jabdyqtary ornatylyp, sonyń arqasynda kórkemdik jaryqty joǵary sapada jasaý múmkindigi bar. 

Teatrdyń alǵashqy konserti 2013 jyldyń shilde aıynda kórsetilip, jańa shyǵarmashylyq ujymdy kórermen qaýym jyly qabyldaǵany baıqaldy.

Teatrdyń túrli janrdaǵy repertýary álemdik jáne otandyq shedevrlermen, biregeı horeografııalyq qoıylymdarmen únemi tolysyp keledi. Osy repertýarda 22 spektakl bar. Sonyń ishinde, «Mahabbat týraly ańyz», «Serenada», «Jızel», «Shertkish», «Salomeıa» jáne t.b. Sonymen qatar, eki konserttik baǵdarlama da bar: «Astana Ballet Gala» jáne «Uly Dala murasy».

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar