Aımaqtar • 27 Qańtar, 2020

Aqtaýda «Biz adamdar – biz birgemiz» sharasy ótti

41 retkórsetildi

Imanǵazy Dosmuhamedov jetekshilik etetin «Biz adamdar - biz birgemiz» qoǵamdyq qory qıyn jaǵdaıǵa tap bolǵan jandarǵa kómek kórsetýdi jalǵastyrýda. Senbi kúni Aqtaý qalasyndaǵy turǵylyqty meken-jaıy joq adamdarǵa ystyq tamaq úlestirildi.

Bul shara jergilikti atqarýshy organdar, oblystyq polısııa departamentiniń jergilikti polısııa qyzmeti jáne eriktiler tarapynan qoldaý tapty. Aqtaý qalasy ákiminiń orynbasary Gúljazıra Aldashevanyń aıtýynsha, taǵdyr tálkegine túsken jandarǵa panalaıtyn oryndar taýyp berip, qujattaryn rettestirip, olardyń qoǵamǵa beıimdelýine jaǵdaı jasalady. Bul rette joǵaryda atalǵan qaıyrymdylyq qorynyń dırektory Imanǵazy Dosmuhamedovke shahardaǵy 1 sh/a ornalasqan ǵımarattyń biri berilgen. Bolashaqta munda áleýmettik beıimdeý ortalyǵy óz jumysyn bastaıdy. Ǵımarat bólinip daıyn tur. Onda densaýlyǵy syr berip,  múgedektik rásimdegisi kelgen jandardyń qujattaryn jınaqtap berý, sonymen qatar zeınetkerlikke shyqqandarǵa zeınetaqysyn alyp berýge kómektesý kózdelgen. Eńbekke jaramdylar bolsa olardy turaqty jumysqa ornalastyrý máselesi de qolǵa alynbaq. Áleýmettik beıimdeý ortalyǵyna aldymen kúrdeli jóndeý júrgizilip, qajetti kólik jáne jıhazben qamtamasyz etiletin bolady. Psıholog mamandardy tartý josparda bar.

-Jalpy bul adamdardyń taǵdyry árqıly. Olar bizdiń qoǵamnyń múshesi. Al qınalǵan jandarǵa qol ushyn sozý barshamyzǵa paryz dep bilgenimiz durys. Prezıdent Qasym-Jomart Toqaevtyń jarlyǵymen bıyl Eriktiler jyly bolyp jarııalandy. Búgingi sharaǵa eriktilerdiń qatysyp otyrǵandyǵy qýantady. Mundaı saýap ister jasaý jastardy meıirimdilikke, ár nársege janashyrlyq tanytýǵa tárbıeleıtini sózsiz, deıdi qala ákiminiń orynbasary.

Sharaǵa belsendi qatysqan oblystyq polısııa departamenti jergilikti polısııa qyzmeti basshysynyń orynbasary Nurjan Mahmýtovtyń sózinshe, polıseıler árdaıym qaıyrymdylyq sharalardyń basy-qasynda júrýge daıyn. Ásirese aıazdy kúni kóshe kezip, tońyp júrgenderge qaıyrymdylyq kórsetý sharasyna tártip saqshylary da tartylady. Sonymen qatar, qujattaryn rettegisi keletinderge mindetti túrde kómek kórsetiledi.

Al úısiz júrgen jandar budan bylaı ár aptanyń senbisinde kúndizgi saǵat 12:00-de Aqtaý qalasy 1 sh/a ornalasqan eski ǵımarat janyndaǵy tegin ystyq tamaq, sháı, salat jáne táttilermen qamtylatyn bolady. 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar