Atap aıtqanda, qala ákiminiń ókimimen Kompanıes Sergeı Evgenevıch kásipkerlik jáne ındýstrıaldy-ınovasııalyq damý basqarmasynyń basshysy bolyp taǵaıyndaldy.
Sergeı Evgenevıch 1986 jyly týǵan, bilimi joǵary. 2009 jyly «Informatıka jáne baǵdarlamalyq qamtamasyz etý» mamandyǵy boıynsha Basqarý ınstıtýtyn támamdasa, 2016 jyly Djordj Vashıngton ýnıversıtetiniń aqparattyq júıeler men basqarý tehnologııalarynyń magıstranty dárejesin alǵan. Sol jyldary jyldyń eń úzdik bıznes stýdentteriniń bestigine kirgen. 2011 jyly «Memlekettik jáne jergilikti basqarý» mamandyǵy boıynsha akademııalyq ınnovasııalyq ýnıversıtetin bitirgen.
Eńbek jolynda ol Qazaqstan Respýblıkasynyń «Memlekettik qyzmet isteri agenttiginiń Aqparattyq-testileý ortalyǵy» memlekettik mekemesinde júıelik ınjeneri, ortalyq dırektorynyń orynbasary, sodan keıin dırektory bolyp qyzmet atqarǵan. Sondaı-aq Qazaqstan Respýblıkasy Premer-Mınıstriniń Keńsesi «Almas» memlekettik kásiporny dırektorynyń orynbasary, «Ýchet onlaın» JShS jobalardy basqarý jónindegi dırektory jáne Shymkent qalasy ákiminiń apparatynda aqparattyq qaýipsizdik bóliminiń bastyǵy bolyp jumys istedi. Budan bólek, «Shymkent» ÁKK tóraǵasynyń orynbasary qyzmetin atqarǵan.
Buǵan qosa Prezıdenttiń kadrlyq rezervine irikteýdiń barlyq kezeńderinen súrinbeı ótken Oljas Shyntaev kásipkerlik jáne ındýstrıaldy-ınovasııalyq damý basqarmasy basshysynyń orynbasary bolyp taǵaıyndaldy.
Oljas Shyntaev 1990 jyly týǵan, bilimi joǵary, mamandyǵy boıynsha ekonomıka jáne bıznes bakalavry - esep jáne aýdıt. Orys, aǵylshyn, qytaı tilderin meńgergen.
Qazaqstan Respýblıkasynyń týrızm ındýstrııasynyń úzdigi, TMD Halyqaralyq dostastyq syılyqtarynyń laýreaty.
Eńbek jolynda «Orton» JShS-niń menedjeri, OQO týrızm ındýstırıasyn damytý ortalyǵy qoǵamdyq birlestiginiń tóraǵasy, OQO ındýstrıaldy-ınnovasııalyq damý jáne týrızm basqarmasynyń bólim basshysy, «Ontustik tourism center» KMK dırektory, Túrkistan oblysy týrızm jáne syrtqy baılanys basqarmasynyń basshysy, «Qazaq Geography» respýblıkalyq qoǵamdyq birlestigi Basqarmasy tóraǵasynyń keńesshisi qyzmetterin atqaryp kelgen.
