Saıasat • 27 Qańtar, 2020

Prezıdent: Nur-Sultan men Abý-Dabı mazmundy ári ashyq saıası dıalog ornatty

81 retkórsetildi

Memleket basshysy Qasym-Jomart Toqaev dıplomatııalyq qatynastar ornaǵan 28 jylda Nur-Sultan men Abý-Dabı kópqyrly yntymaqtastyqty nyǵaıtyp, mazmundy ári ashyq saıası dıalog ornatqanyn aıtty.

«Saýda-ekonomıkalyq jáne mádenı-gýmanıtarlyq baılanystarymyz qarqyndy damyp kele jatyr. Eki el kásipkerleri belsendi jumys isteýde. Búgingi tańda 350-ge jýyq birlesken kásiporyn quryldy. Mysaly, elordamyz Nur-Sultan qalasynda salynyp jatqan «Abý-Dabı Plaza» kesheni osyndaı tabysty baılanystardyń jarqyn kórinisi. Árıne, mundaı jemisti yntymaqtastyq Qazaqstannyń Tuńǵysh Prezıdenti – Elbasy Nursultan Nazarbaevtyń jáne Ámirlikter Prezıdenti, sheıh Halıfa jáne sheıh Muhammed, sizdiń arańyzdaǵy shynaıy dostyq pen baýyrlastyqtyń arqasynda júzege asty», - dedi Qasym-Jomart Toqaev Abý-Dabıdiń murager hanzadasy, sheıh Muhammed ben Zaıd Ál Nahaıanmen kezdesýde.

Kezdesý sońynda taraptar qol qoıylǵan qujattarmen almasty. QR Energetıka mınıstrligi men BAÁ Energetıka jáne ónerkásip mınıstrligi arasynda munaı-hımııa ónerkásibi salasyndaǵy ózara túsinistik pen yntymaqtastyq týraly memorandýmǵa,  QR Saýda jáne ıntegrasııa mınıstrligi men BAÁ Ekonomıka mınıstrligi arasyndaǵy ózara túsinistik týraly memorandýmǵa, «Astana» halyqaralyq qarjy ortalyǵynyń Qarjylyq qyzmet kórsetýdi retteý jónindegi komıteti men BAÁ Ortalyq banki arasyndaǵy ózara túsinistik týraly memorandýmǵa qol qoıyldy.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar