Úkimet • 27 Qańtar, 2020

Aqtoty Raıymqulova Ulttyq qoǵamdyq senim keńesi múshelerimen kezdesti

22 retkórsetildi

Mádenıet jáne sport mınıstri Aqtoty Raıymqulova Qazaqstan Respýblıkasy Prezıdenti janyndaǵy Ulttyq qoǵamdyq senim keńesi múshelerimen, Mádenıet jáne sport mınıstrligi janyndaǵy Mádenı saıasat jónindegi keńes pen Mádenıet jáne sport máseleleri jónindegi Qoǵamdyq keńes múshelerimen kezdesti. Bul týraly Mádenıet jáne sport mınıstrliginiń baspasóz qyzmeti habarlady.

Jıynǵa memleket jáne qoǵam  qaıratkeri, akademık Myrzataı Joldasbekov, qoǵam qaıratkeri, Nur Otan partııasy respýblıkalyq qabyldaýynyń konsýltanty Aýyt Muqıbek, qoǵam qaıratkeri, «Qazaq úni» JShS prezıdenti Qazybek Isa, jazýshy, dramatýrg, qoǵam qaıratkeri, Qazaqstannyń eńbek sińirgen qaıratkeri Tólen Ábdik, professor, Qazaq ulttyq óner ýnıversıtetiniń rektory Aıman Musaqojaeva, ánshi, kompozıtor, Qazaqstannyń Halyq ártisi Altynbek Qorazbaev jáne taǵy da basqa Ulttyq qoǵamdyq senim keńesiniń múshelerimen qatar mádenıet jáne sport qaıratkerleri, múddeli qoǵamdyq birlestikter, memlekettik organ ókilderi qatysty.

Mádenıet jáne sport mınıstri Aqtoty Raıymqulova Memleket basshysynyń bastamasymen qurylǵan Ulttyq qoǵamdyq senim keńesiniń múshelerine osynaý kezdesýge kelgenderi úshin alǵys aıtyp, ulyn aqyn Abaı Qunanbaıulynyń 175 jyldyq mereıtoıymen quttyqtady.

«Bıylǵy jyl qazaq rýhanııaty men mádenıeti úshin eleýli jaıttarǵa toly bolǵaly tur. Aldaǵy ýaqytta Abaı Qunanbaıulynyń 175, ǵulama oıshyl ál-Farabı babamyzdyń 1150 jyldyq mereıtoıy aıasynda aýqymdy jumystar atqarylady. Prezıdent Qasym-Jomart Toqaev aıtqan bul baǵyttaǵy eskertpelerdi negizge alyp, ysyrapshyldyqqa jol bermeı, is-sharalardy tııanaqty ótkizýge tyrysamyz. Búgingi baıandamalarǵa qatysty Sizderdiń usynys-pikirlerińizdi tyńdaýǵa daıynbyz» dedi mınıstr.

Basqosý barysynda Mádenıet jáne sport mınıstrliginiń atynan – «Adaldyq alańy» jobalyq keńsesiniń qyzmeti men maqsaty, 2020 jylǵa arnalǵan josparymen joba keńsesiniń jetekshisi M. Kamzoldaev baıandama jasady.

Marat Bolysbekuly Memleket basshysy aıtqan «Estıtin memleket» baǵdarlamasy aıasynda «Adaldyq alańy» jobasy qurylyp, sybaılas-jemqorlyq pen para berýge qarsy mádenıetti qalyptastyrý úshin jumys júrgizilip jatqanyn aıtty.

Til saıasaty komıtetiniń tóraǵasy Ǵalymjan Meldeshov qazaq tiliniń latyn grafıkasyna kezeń-kezeńimen kóshý máselelerine arnalǵan baıandamasynda qazir áleýmettik jelide «mınıstrlik kelip túsken 8 nusqanyń ishinen birin tańdap alady eken» degen aqparttyń jalǵan ekenin jetkizdi.

«Shyndyǵynda bizge 30-ǵa jýyq nusqa kelip tústi. Árqaısysynyń ǵylymı saraptamasyn jasap, talqyǵy salyp, múmkindiginshe jaýap berip kelemiz. Aıtylyp júrgen 8 nusqa degen jańsaq pikir. Biz sol 8-in jeke-jeke súzgiden ótkizdik, onyń ishinen tańdap alatyn birde-bir nusqa joq. Úkimet janyndaǵy Ulttyq komıssııaǵa qarasty 4 jumys toby bar. Ár topta beldi degen ǵalymdarmen kelise otyryp, ortaq nusqany ázirlep, usyndyq. Degenmen áli de jetildirý jumystary júrip jatyr» dedi. 

Ulttyq qoǵamdyq senim keńesi múshesi Qazybek Isa til máselesine bul joly da beıjaı qaraýǵa bolmaıtynyn ótkir aıtyp, «Qoǵamdyq oryndardaǵy barlyq jarnamalyq materıaldar túgel latyn álipbıinde jazylýy kerek» dedi.

Sport jáne dene shynyqtyrý isteri komıtetiniń tóraǵasy Serik Sápıev Memleket basshysynyń alǵa qoıǵan mindeti negizinde buqaralyq sportty damytý boıynsha jasaǵan baıandamamasynda ár óńirde qolǵa alynyp jatqan jobalarmen tanystyrdy.

Osy másele boıynsha jazýshy Tólen Ábdik pikirin bildirip: «Bizdiń stýdent kezimizde «Spartak», «Zenıt», «Qaırat» sekildi sport klýbtary bar edi. Biz osy klýbtarǵa baryp sportpen aınalysatyn edik. Qazirgi jastarǵa ondaı múmkindikter qarastyrylǵan ba?» - dep saýal tastady.

Tıisti mememe basshysy S.Sápıev bıyl «Júz sport zal» memlekettik baǵdarlamasy júzege asatynyn, sonymen qatar, «Atameken» kásipkerler palatasynyń uıymdastyrýymen «Aýyl - el besigi» baǵdarlamasy osyǵan deıin sport keshenderin salǵanyn aıtty. Árıne, bul bastama áli de qoldaý tabatynyn tilge tıek etti Serik Jumanǵalıuly.

«Tarıhı-mádenı» mura obektilerin qorǵaý jáne paıdalaný týraly» QR Zańyn qabyldaýdyń negizgi baptary men Túrkistan qalasynda júrgizilip jatqan jumystardyń barysy týraly Mádenıet jáne óner isteri departamentiniń dırektory Kúmis Seıitova tarqatyp aıtty. 

«Eldegi týrızmdi qoldap, sol arqyly Qazaqstandy álemge tanytý týraly Elbasy únemi aıtyp keledi. Qazirgi tańda Ulytaýda sapar ortalyǵy qurylysy júrip jatyr. Sonymen qatar ál-Farabıdiń 1150 jyldyǵy, Altyn ordanyń 750 jyldyǵy mınıstrliktiń keshendi josparynda tur» dedi A.Raıymqulova.

Kezdesý sońynda aıtylǵan oı-pikir, usynystardy qorytyndylaı kele Mádenıet jáne sport mınıstri alqaly basqosýǵa qatysýshylarǵa alǵys aıtyp, aldaǵy ýaqyttarda da osyndaı otyrystar turaqty túrde ótkizilip turatynyn jetkizdi.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar