«Mamandar el turǵyndaryna vırýstyń taralýynyń aldyn alý úshin QHR-ǵa barýdan ýaqytsha bas tartýǵa keńes beredi.
«Altynkól TJ», «Nur Joly», «Qorǵas ShYHO» ótkizý beketterinde, sondaı- aq Úrimshi-Almaty poıyzdarynda aldyn alý sharalary júrgizilýde. Esterińizge sala keteıik, Qytaıdaǵy jańa jyl merekesine baılanysty «Qorǵas ShYHO» 2020 jyldyń 2 aqpanyna deıin jabyldy.
Sonymen qatar áýejaılar men temir jol vokzaldarynda, avtokólikter ótetin oryndarda, ásirese, Qytaı Halyq Respýblıkasynan keletin barlyq adamdarǵa (jolaýshylar, tasymaldaýshylar, ekıpaj músheleri, bortserikter jáne basqalar) mindetti baılanyssyz termometrııa júrgiziledi.
Búginde Qytaımen memlekettik shekaradaǵy ótkizý pýnktterinde 19 704 adam tekserildi:
-Almaty jáne Nur-Sultan halyqaralyq áýejaılarynda 17 043 adam (15 992 jolaýshy jáne 1051 ekıpaj múshesi);
- temirjol vokzalynda 161 adam (33 jolaýshy jáne 128 brıgada quramy);
QHR kelgenderdiń arasynan dene qyzýy joǵary jáne aýrý belgileri bar adamdar anyqtalǵan joq.
Medısınalyq uıymdarda artyq qor úshin dárilik zattar men medısınalyq buıymdardyń tizimi daıyndalady.
Jergilikti Densaýlyq saqtaý basqarmalary ınfeksııalyq stasıonarlar, ózge de stasıonardan qosymsha tósekter daıyndaýda. Sondaı-aq medısınalyq qyzmetkerlerdiń arasynda teorııalyq jáne praktıkalyq ázirlik júrgizildi.
Azamattar úshin táýlik boıy 1406 baılanys-ortalyǵy (Áleýmettik medısınalyq saqtandyrý qory bazasynda) jumys isteıdi jáne + 7 (7172) 76-80-43 nómirine de qońyraý shalyp, koronavırýs týraly, sondaı-aq aýrýdyń aldyn alý sharalary men negizgi belgileri jaıly tolyq aqparat alýǵa bolady.
Bul jaǵdaı Qazaqstan Respýblıkasynyń Densaýlyq saqtaý mınıstrliginiń jiti baqylaýynda» delingen habarlamada.
