Medısına • 28 Qańtar, 2020

SOS medısınalyq júıesi – aımaq medısınasyna ózgeris ákele me?

14 retkórsetildi

«Densaýlyq» baǵdarlamasy aıasynda júzege asyrylý ústin­degi SOS medısınalyq júıesin Mańǵystaýda alǵashqy bolyp oblys­tyq perınataldyq ortalyǵy ornatqan bolatyn. Jobanyń jetekshisi, qoǵamdyq densaýlyq saqtaý sarapshysy Nurtýǵan Muma­medalıev ornatylǵan soń bir jyldan asqan ýaqyt ishinde onyń qandaı paıda ákelgenine kóz jetkizý úshin Aqtaý qalasyna keldi.

Júıe boıynsha qabyldaý bóliminiń ke­zek­­shisi shuǵyl jáne qar­qyn­dy me­dı­sı­nalyq kómekti qajet etetin júk­ti áıelder tús­ken kezde «SOS» shu­ǵyl sha­qy­rý pýltin basyp, qajetti ma­­­mandardy shaqyra alady. Al shaqyr­tylǵan dárigerler ne­mese medbıkeler shuǵyl áre­ket etip, qabyldaý bólimine túsken naýqasty ota jasaý ból­­mesine keder­gisiz jetkizedi ne­mese basqa da kómekter kór­sete alady. Barlyq aýrýha­na bólimderiniń qyz­metkerleri «SOS medısınalyq júıesi» bo­ıynsha oqýdan ótken, ásirese reanımatolog, akýsher-gı­ne­­kolog, jaýapty kezekshi dári­­­ger, dırektordyń emdeý­ isi jó­nindegi oryn­­basary, laborant, dárigerler men meıir­bı­­keler.

Mańǵystaý oblystyq «Ana men ba­la» or­talyǵynyń dırektory Jamal Ja­manbaevanyń aıtýynsha, «SOS medı­sı­nalyq júıesi» jobasynyń máni – naý­qastarmen qyzmetkerlerge arnalǵan ın­novasııalyq qaýip­sizdik tehnologııalaryn qurýǵa baǵyttalǵan. Atalǵan jobanyń iske qosylǵanyna bir jyldan sál asqan jáne batys óńi­rin­de al­ǵash engizgen de osy perı­na­taldyq ortalyq.

– Bul júıe óte yńǵaıly, eń aldymen emdelýshiler men medbıkeler arasynda tikeleı baılanys ornatýǵa múmkindik berip otyr. Perınataldyq ortalyqqa shuǵyl túrde jetkizilgen júkti áıelderdi ota bólmesine aparý qajettigi týyndasa, SOS te­tigin basý arqyly medbıkeler kó­mekke shaqyrylyp, qandaı qajettilik kerektigi aıtylady. By­laısha aıtqanda uıaly telefonnyń rólin atqarady deý­ge bolady. Eń bastysy, ýa­qyt joǵaltpaı naýqastarǵa sa­paly qyzmet kór­setiledi jáne qajetti kómek 40 sekýnd­ pen 1 mınýt aralyǵynda ja­sa­­la­dy. Kóbine qabyldaý bóli­mi, bo­saný zaly, bosanýdan ke­ıin­ge bólim jáne reanımasııa bir-birimen jıi baılanysady, – deıdi Jamal Ábdibekqyzy.

SOS medısınalyq júıesi naýqastyń jaǵdaıy aýyrlap, jedel kómek kerek bol­ǵan jaǵ­daıda qoldanylady. Tetikti bas­sa­ńyz jetkilikti, kezekshi med­bıkege shuǵyl habar jetedi. Osylaısha qyzmet kórsetý sa­pa­syn arttyryp, ýaqyt únem­deledi jáne naýqastarǵa baqy­laý kúsheıedi. SOS medısı­nalyq júıesi oblystyq perı­nataldyq orta­lyǵynyń 13 núk­tesine ornatylǵan. Taǵy bir erek­sheligi, emdelýshilerden tús­­ken barlyq aryz-shaǵymdar men málimetterdi orta­lyq dı­rek­tory óz baqylaýynda ustap otyrady.

– Bul júıeni naýqastardyń qaýip­sizdik deńgeıin joǵary­latýǵa jáne medısınalyq qyzmet kórsetý sapasyn odan ári arttyrý maqsatynda ornatqan bola­tynbyz. Osy ýaqytqa deıin 3 myńnan astam josparly jáne shuǵyl shaqyrtýlar ja­sal­ǵan. «Medısınalyq ınsıdent» degen termın bar, barlyq áreketter osy júıe arqyly tir­keledi. Bul júıe 2014 jyly quryldy jáne avtorlyq quqyq ıegeri atanyp otyrmyz. Jalpy SOS medısınalyq júıesi Nur-Sultan qalasyndaǵy EXPO aýma­ǵyndaǵy «Astana Hub» ın­no­vasııalyq IT tehnoparkinde jalǵasýda jáne qazirgi ýa­qyt­ta 2.0 nusqasy jasalýda. Qys­qasha aıt­qanda Astana par­ki­niń alǵashqy túlegi bo­lyp eseptelemiz. Otandyq ın­no­va­sııa­lyq tehnologııany al­ǵashqy bolyp qoldaǵan Jamal Jaman­baeva jetekshilik ete­tin Mańǵystaý oblystyq pe­rı­na­taldyq ortalyǵy. Bul óńir­de týý kórsetkishi jo­ǵary. Bir mezgilde júkti áıelderdi jat­qy­zatyn oryn tapshylyǵy sezilýi múmkin jáne mundaı kez­de shuǵyl qımyldaýǵa týra ke­lip jatatyn kezder bolýy múmkin, deıdi ol.

Búginde otandyq jobaǵa qy­z­yǵýshy­lyq ta­nytyp jatqan medısınalyq mekemeler az emes. Mańǵystaý oblystyq pe­rı­­nataldyq orta­lyǵynan keıin Beı­neý aýdandyq aýrýhanasy SOS medı­sınalyq júıesin or­natqan bolatyn.

Osylaısha, otandyq joba­nyń aımaq medısınasyna tı­gizer paıdasyn mamandar oń baǵalap otyr. Medısınaǵa kelgen jańalyq, árbir ilgerileý­shi­lik el ıgiligine aınalar bolsa, qýa­nýǵa bolady.

Mańǵystaý oblysy

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar