Úkimet • 28 Qańtar, 2020

Vedomstvoaralyq komıssııanyń otyrysy ótti

20 retkórsetildi

Premer-Mınıstrdiń orynbasary Berdibek Saparbaev el aýmaǵynda koronavırýstyń paıda bolýyna jáne taralýyna jol bermeý jónindegi vedomstvoaralyq komıssııanyń otyrysyn ótkizdi, dep habarlady Úkimettiń baspasóz qyzmeti.

Komıssııa quramyna Densaýlyq saqtaý, Syrtqy ister, Ishki ister, Bilim jáne ǵylym, qarjy, Indýstrııa jáne ınfraqurylymdyq damý, Mádenıet jáne sport, Aqparat jáne qoǵam­dyq damý mınıstrlikteriniń, UQK Shekara qyz­metiniń basshylary, Almaty, Shyǵys Qazaqstan, Mańǵystaý, Aqtóbe oblystarynyń, Nur-Sultan jáne Almaty qalalary ákimderiniń orynbasarlary kirdi.

«Qytaıda 2700-den asa koronavırýspen syr­qattaný oqıǵasy tirkeldi, 80 adam kóz jumdy. Álem­de aýrý juǵýdyń 50 oqıǵasy tirkeldi. Mem­leket basshysynyń tapsyrmasy boıynsha Úkimet qorǵaný sharalaryn qabyldady, tıisti is-sharalar jospary ázirlendi», dedi vıse-premer.

Otyrysta shekarada sanıtarlyq-epıde­mıolo­gııalyq baqylaýdy kúsheıtý, QHR-dan kelý­­shilerdiń barlyǵyn turǵylyqty jeri boıynsha baqylaý, medısına uıymdary men qyzmetkerleriniń ázirligin qamtamasyz etý, QHR-dan keletin tranzıttik jolaý­shylar úshin el aýmaǵynda 72 saǵattyq vızasyz bolý rejiminiń kúshin toqtatý jáne basqa da máseleler qaraldy.

Sonymen qatar Ýhan qalasyndaǵy Qazaqstan azamattaryn evakýasııalaý máselesi talqylandy.

Syrtqy ister mınıstriniń birinshi orynbasary Sh.Nuryshevtyń aıtýynsha, Ýhan qalasynda búginde qazaqstandyq 98 stýdent bar. Dıplomattar olarmen baılanysta jáne QHR SIM-men birlesip olardy evakýasııalaý máselesin pysyqtaýda. QHR-daǵy Qazaqstan elshiliginde jedel jeli ashyldy, táýlik boıǵy kezekshilik uıymdastyryldy. Bul rette, Qytaı tarapy áli eshqandaı memleketke óz azamattaryn alyp ketýge ruqsat bergen joq.

О́z kezeginde, Densaýlyq saqtaý mınıstri Eljan Birtanov bıyl 6 qańtardan bastap sanıtarlyq-epıdemıologııalyq qyzmetterdiń kúsheıtilgen rejimde jumys istep jatqanyn atap aıtty.

«QHR-men shekara arqyly ótkizý pýnktterinde 20 myńǵa jýyq adam tekserildi. Olardyń barlyǵy monıtorıngke alyndy jáne 14 kún boıy esepte turady. Qaıta kelgenderdiń barlyǵyn da osylaısha qadaǵalaıtyn bolamyz. Oqý-jattyǵý júrgizildi, call-ortalyq ashyldy, qosymsha 4780 tósek-orynǵa karantın úshin rezervtik stasıonarlar  ázirlendi. Medısına buıymdary men preparattarynyń qosymsha qajettiligi boıynsha esep-qısap jasalýda», dedi mınıstr.

Otyrysty qorytyndylaǵan Berdibek Sapar­baev Densaýlyq saqtaý, Aqparat jáne qoǵamdyq damý mınıstrlikterine turǵyndar arasynda kún saıyn aqparattyq-túsindirý jumys­taryn júrgizýdi tapsyrdy. Oblystar men qala­lardyń ákim­dikteri de óńirlik deńgeıde osyndaı ju­mys­tar júrgizýi tıis.

«Barlyq jaýapty memlekettik organdar ózara tıimdi árekettestik ornatyp, Is-sharalar josparynyń múltiksiz oryndalýyn qamtamasyz etýi kerek. Búginde Qazaqstanda bul aýrý­ǵa shaldyǵý oqıǵasy tirkelgen joq, biraq biz da­ıyn bolyp, qajet jaǵdaıda jyldam áreket etýimiz kerek. Densaýlyq saqtaý mınıstrligi men jergilikti atqarýshy organdar qosymsha kúshter men quraldardy, sonyń ishinde jeke qorǵanysh quraldary men dári-dármekterdi, medısına uıymdaryn qarastyrýy kerek», dedi vıse-premer.

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar