Prezıdent bizge jol silteı otyra, Abaı shyǵarmalarynyń qundylyqtaryn mynaý damyǵan zamanmen salystyrady. О́rkenıetti elderdiń aldynda qazaq bilimdi, bilikti bolýyn, ǵylymnyń damýyna úles qosýy qajettigin aıtady. Buǵan barlyq el bolyp jumyla kirisýimiz qajet. Ásirese kúni-túni kózin telefonnan almaıtyn bolashaq urpaqty Abaı jolymen tárbıeleýimiz kerek. Boılaryna asyl murany sińirý shart. О́ıtkeni «Jumyla kótergen júk qashanda jeńil».
Jastardyń boıynda patrıottyq sezimdi oıatý, olardyń tarıhqa degen izgi umtylystaryn arttyrý úshin fılarmonııa Abaıdyń mýzyka álemine qosqan ólsheýsiz úlesin dáriptep keledi. Búginde kompozıtordyń áýezdi ánderi Memlekettik akademııalyq fılarmonııanyń repertýarynan oıyp turyp oryn alǵan.
Sondaı-aq Abaıdyń 175 jyldyq mereıtoıy aıasynda óner ordasynyń ujymy, ıaǵnı 700 qyzmetker «Kózimniń qarasy» shyǵarmasyn oryndaý boıynsha chellendj uıymdastyrdy. Bul aýqymdy estafeta elimizdiń barlyq aımaǵynda jalǵasyn tapty.
Kemel oıdyń kemeńgeri Abaı Qunanbaıulynyń esimi eshqashan ólmek emes. Ony búgingi urpaq ulyqtaı beredi.
Erlan DAKENOV,
Nur-Sultan qalalyq ákimdigi Memlekettik akademııalyq fılarmonııasynyń bas dırektory
