Úkimet • 28 Qańtar, 2020

Úkimet Memleket basshysynyń tapsyrmalaryn iske asyrý jónindegi sharalardy qarady

55 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda bıylǵy 24 qańtarda ótken Úkimettiń keńeıtilgen otyrysynda Prezıdent Qasym-Jomart Toqaevtyń bergen tapsyrmalaryn oryndaý jónindegi sharalar qaraldy. Bul týraly Premer-Mınıstrdiń baspasóz qyzmeti habarlady.

Ulttyq ekonomıka mınıstri R. Dálenov, Ulttyq bank tóraǵasy E. Dosaev, Qarjy naryǵyn retteý jáne damytý agenttiginiń tóraǵasy M. Ábilqasymova, Premer-Mınıstrdiń birinshi orynbasary – Qarjy mınıstri Á. Smaıylov, sondaı-aq, Premer-Mınıstrdiń orynbasarlary R. Sklıar men B. Saparbaev  baıandama jasady.

Memleket basshysynyń tapsyrmalaryn iske asyrý jónindegi Úkimet sharalarynyń kesheni osy jyldyń sońyna deıin memlekettik apparat qurylymyn ońtaılandyrýdy, básekelestikti qorǵaý jónindegi jumysty kúsheıtýdi, «Tehnıkalyq retteý týraly» zań jobasyn daıyndaýdy, sertıfıkattaýdyń ulttyq júıesin damytýdy, osy jyldyń birinshi jartysynda salyq júıesin reformalaýdy, 2025 jylǵa deıin saýda saıasatynyń baǵdarlamasyn ázirleýdi, bıyl bıznestiń biryńǵaı aqparattyq servıske qol jetkizýin qamtamasyz etýdi jáne t. b. qamtıdy.

«Prezıdent Qasym-Jomart Kemeluly Toqaev Elbasy Nursultan Ábishuly Nazarbaevtyń qazaqstandyqtardyń naqty tabysy men turmys sapasyn arttyrý jónindegi strategııalyq maqsattaryna qol jetkizýge baǵyttalǵan birqatar naqty tapsyrma berdi», - dedi A. Mamın.

Premer-Mınıstr ınvestısııalardy belsendi túrde tartý, ekonomıkanyń shıkizattyq emes sektorlaryn, shaǵyn jáne orta bıznesti damytý, sondaı-aq, jańa jumys oryndaryn qurý Úkimettiń árbir múshesi men ákimderdiń negizgi basymdyqtaryna aınalýy tıis ekenin atap ótti.

«Ulttyq ekonomıka mınıstrligi Memleket basshysynyń tapsyrmalaryn iske asyrý boıynsha sharalar keshenin usyndy. Jaýaptylar men oryndalý merzimderi anyqtaldy. Endi úılesimdi jumysty uıymdastyrý qajet. Prezıdenttiń alǵa qoıǵan barlyq mindetteri naqty oryndalýy tıis. Memlekettik organdardyń birinshi basshylary derbes jaýap beredi», - dedi A. Mamın.

Prezıdenttiń ónimsiz bıýdjet shyǵystaryn qysqartý jónindegi tapsyrmasyn oryndaý aıasynda Úkimet basshysy mınıstrlerge, óńirlerdiń ákimderine jáne ulttyq kompanııalardyń basshylaryna bir apta merzim ishinde Qarjy mınıstrligine tıisti usynystar engizýdi tapsyrdy.

«Qarjy mınıstrligi 2 aptadan keıin Úkimet otyrysynda ónimsiz bıýdjet shyǵystaryn qysqartý boıynsha ázirlengen tásilder týraly baıandasyn», -  dedi A. Mamın.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar