Úkimet • 28 Qańtar, 2020

«Smart Water» jobasy engiziledi - Maǵzum Myrzaǵalıev 

50 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Qazaqstannyń Sý resýrstaryn basqarý jónindegi 2020-2030 jyldarǵa arnalǵan baǵdarlamasynyń jobasynyń tujyrymdamasy qaraldy. Bul týraly Premer-Mınıstrdiń baspasóz qyzmeti habarlady.

Jıynda Ekologııa, geologııa jáne tabıǵı resýrstar mınıstri M. Myrzaǵalıev  Qazaqstannyń jyl saıynǵy jer ústi sý resýrstary shamamen 100 tekshe km quraıtynyn, onyń 44%-dan astamy elden tys jerde qalyptasatynyn habarlady. Sý tutynýdyń 67%-y aýyl sharýashylyǵyna, 30%-y – ónerkásipke, qalǵany – sharýashylyq-turmystyq qajettilikterge jumsalady. 2040 jylǵa qaraı Qazaqstannyń sý tutyný kólemi 56%-ǵa ósedi dep kútilýde.

Qazaqstannyń 2020-2030 jyldarǵa arnalǵan sý resýrstaryn basqarý baǵdarlamasy qosymsha jer ústi sý resýrstaryn ulǵaıtý esebinen 2030 jylǵa qaraı 100 tekshe km deńgeıinde sý teńgerimin saqtaýǵa baǵyttalǵan: 5-7 tekshe km-ge jańa sý qoımalaryn salý, 5 tekshe km deıin sý únemdeý, 15 tekshe km deıin jer asty sýlaryn paıdalaný.

Kórsetilgen kezeńge qaraı JIО́ birligine sýdy tutynýdy $1 myń-ǵa 91,2-den 73 tekshe metrge deıin azaıtý, 26 jańa gıdrotehnıkalyq qurylystar salý, 182 respýblıkalyq, 300 kommýnaldyq gıdrotehnıkalyq qurylystardy qaıta jańartý josparlanýda.

Qujat sýarmaly jerlerdi 1,7-den 3 mln ga-ǵa deıin ulǵaıtý úshin jańa ırrıgasııalyq júıelerdi salýdy, 3423-den 19 myń km-ge deıin qaptalǵan magıstraldy jáne taratý arnalarynyń uzyndyǵyn arttyrýdy kózdeıdi.

Basseındik ınspeksııalardy materıaldyq-tehnıkalyq jaraqtandyrý 100%-ǵa deıin qamtamasyz etiledi, al sý jınaý alańdarynyń ormandylyǵy 1-den 200 myń ga-ǵa deıin arttyrylady.

Qazaqstannyń 2020-2030 jyldarǵa arnalǵan sý resýrstaryn basqarý baǵdarlamasy 10 negizgi baǵytty qamtıdy. Olar: halyqaralyq yntymaqtastyq, quqyqtyq bazany jańartý, ınstıtýsıonaldyq reformalaý, sý sharýashylyǵy ınfraqurylymyn jańǵyrtý jáne rekonstrýksııalaý, sý naryǵyn qurý jónindegi halyqaralyq ozyq tájirıbeni zerdeleý, sý sharýashylyǵyn sıfrlandyrý, «Smart Water» jobasyn engizý, sý resýrstaryn ekologııalyq ońtaıly paıdalaný, sý salasynyń mamandaryn zamanaýı daǵdylarmen daıarlaý jáne mańyzdy ulttyq sý jobalaryn iske asyrý.

«Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev bizdiń aldymyzǵa elimizdiń sý resýrstaryn paıdalaný men qorǵaýdyń tıimdiligin arttyrý mindetin qoıdy. Osyǵan baılanysty Sý resýrstaryn basqarý baǵdarlamasynyń tujyrymdamasy jasaldy. Ol bizdiń strategııalyq maqsattarymyzǵa jaýap beredi jáne Parlamentten qoldaý kórsetilgen. Tujyrymdama sala sarapshylary, depýtattar jáne Nur Otan fraksııasynyń músheleriniń qatysýymen talqylandy», - dep A. Mamın, baǵdarlamanyń sapaly ázirlenýin qamtamasyz etýdi tapsyrdy.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar