Aımaqtar • 28 Qańtar, 2020

480 myń teńgeniń urlyǵyn jasaǵandar ustaldy

51 retkórsetildi

Petropavl qalasynyń Polısııa basqarmasy krımınaldyq polısııa bóliminiń qyzmetkerleri Qyzyljar aýdany polısııa bólimindegi áriptesterimen birlesip, birneshe dúkendi ádis-aılamen tonap, baǵaly zattar men aqshany qoldy etken úsh kúdiktini ustady.

Bular urlyq jasaǵanda qarapaıym aıla qoldanyp otyrǵan. Ekeýi satýshyny aldastyryp, áleýetti satyp alýshynyń rólin oınap, árnemeniń baǵasyn surap, ony qyraǵylyǵynan aıyryp turǵanda úshinshisi urlaıtyn qymbat zattardy sómkesine jitirip, taıyp otyrǵan. Urlyqqa osylaı kásiptengen kúdiktilerdiń kim ekendigi beınebaqylaý kameralaryndaǵy kórinister arqyly jedel anyqtalǵanymen olardy ustaý ońaı bolmaǵan.

Qyzyljardaǵy baqylaýǵa alynǵan mekenjaılaryna olar áldeneden kúdiktenip jolamaı qoıyp, jalǵa alǵan páterlerde jasyrynyp júrgen. Sosyn qala tóńiregindegi Qyzyljar aýdanynyń ortalyǵy Beskólge barǵan. Tek osyndaǵy jalǵa alǵan páterlerinde qydyrystap júrgende kózge túsken.

Qyzyljarlyq jáne aýdandyq iz kesýshilerdiń birlesken jedel is-sharalarynyń nátıjesinde olar Beskólde ustaldy. Sóıtip, buryn da múliktik qylmystar jasaǵany úshin birneshe retten sotty bolǵan Qyzyljardyń 1976, 1987 jáne 1989 jyldary týǵan úsh turǵyny ustaldy. Qazir jasalǵan qylmystar boıynsha Qylmystyq kodekstiń «Urlyq» atty 188-babynyń 3-shi tarmaǵy boıynsha sotqa deıingi tergep-tekserýler sharalary júrgizilýde. Oryn alǵan jaǵdaılardyń birinde qyraǵy satýshy kúdiktiniń áreketin baıqap qalǵan, bul epızod QK 191-baby («Tonaý») 3-shi tarmaǵy boıynsha aıyptalýda. «Qazir olardyń osyǵan uqsas basqa da qylmystarǵa qatystylyǵy bary tekserilýde», - deıdi Petropavl qalasynyń múliktik qylmystardy tergeý jónindegi bóliminiń bastyǵy polısııa kapıtany Erbolat Qaptaev. «Qazirgi ýaqytta qylmystyq iste alty epızod bar. Asa iri mólsherde dep baǵalanǵan shyǵyn - 480 myń teńgege jýyq. Dúken ıeleri ornatqan beınebaqylaý kameralarynyń jazbalary qylmysty ashýǵa zor septigin tıgizdi», dedi ol.

О́tken jyly SQO dúkenderi men saýda úılerinde 187 urlyq tirkelip, onyń 141 qylmystyq isi óndirispen aıaqtalǵan.

Soltústik Qazaqstan oblysy

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar