Sport • 28 Qańtar, 2020

Tennıs: Kýkýshkın men Býblık juby jartylaı fınalǵa shyqty

38 retkórsetildi

Qazaqstandyq jup – Mıhaıl Kýkýshkın men Aleksandr Býblık Melbýrnde ótip jatqan Avstralııanyń ashyq birinshiliginiń jartylaı fınalyna joldama aldy.

Tusaýkeser kezdesýde olar álemdegi eń myqty juptardyń biri, byltyrǵy jylǵy Rolan Garrostyń jeńimpazdary, germanııalyq Kevın Kravıs pen Andreas Mısti 6:3, 7:6 esebimen utqan edi.

Ekinshi kezeńde jerlesterimiz Ońtústik Koreıanyń oǵlandary Nam Djı Sýn jáne Son Mın-Kıýmen kúsh synasty. Bul báseke 6:7, 6:4, 7:5 esebimen aıaqtaldy.

Úshinshi aınalymda bizdiń jigitter amerıkalyq Sem Kýerrı jáne Stıv Djonsonmen sheberlik baıqasyp, 6:4, 6:2 esebimen jeńiske jetti.

Shırek fınalda Mıhaıl Kýkýshkın men Aleksandr Býblık juby kort qojaıyndary – Djeıms Dakvort jáne Mark Polmanstan basym tústi. 1 saǵat 44 mınýtqa sozylǵan saıysta 7:6, 7:5 esebi tirkeldi.

Osylaısha, qazaqstandyq tennısshiler ózderiniń sporttyq mansaptarynda tuńǵysh ret «Úlken dýlyǵa» sanatyndaǵy jarystyń jartylaı fınalynda kúsh synasý qurmetine ıe boldy.

 

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar