Aımaqtar • 28 Qańtar, 2020

Tarazda taǵy da 80 páterli úı paıdalanýǵa berildi

105 retkórsetildi

Búginde Memleket basshysy Qasym-Jomart Toqaevtyń halyqty turǵyn úımen qamtamasyz etý týraly tapsyrmasy Jambyl oblysynda júıeli júzege asyp keledi. Jyl basynan beri tarazdyq turǵyndar úzdiksiz qonys toıyn toılaýda.

Taraz qalasynda «Nurly  jer» baǵdarlamasy aıasynda jańa salynǵan 15-shaǵyn aýdannan taǵy da 80 páterli turǵyn úı paıdalanýǵa berildi. 5 qabatty turǵyn úıdegi páterlerdi negizinen halyqtyń áleýmettik jaǵynan osal toptary ıelendi. Olar turǵyn úı kezeginde kóp jyldan beri turǵan balalar úıiniń túlekteri, jetimder jáne 29 jasqa deıingi qamqorlyqsyz qalǵandar, áleýmettik osal toptarǵa jatatyn azamattar, bıýdjettik uıymdar qyzmetkerleri, memlekettik qyzmetshiler men áskerı salanyń mamandary. Turǵyn úı arendalyq, satyp alý quqyǵynsyz jalǵa berilip otyr.

Atalǵan shaǵyn aýdandaǵy alqapta keleshekte 280  kóppáterli jáne 969 jeke  turǵyn úı salynady dep josparlanýda. Buǵan deıin munda 26 kópqabatty  turǵyn úı el ıgiligine berilse, aǵymdaǵy jyly taǵy 35 úıdiń qurylysy bastalady dep kútilýde. Sondaı-aq kópbalaly otbasylarǵa arnalǵan «Baqytty otbasy» baǵdarlamasy boıynsha  ótken jyly 323 páter berilgen bolatyn. Jergilikti bıýdjetten bólingen 1 mıllıard 360 mıllıon teńgege  qaıtalama naryqtan  144 páter satyp alynǵan. Taǵy bir aıta keterligi, oblys boıynsha baspanaǵa muqtaj az qamtylǵan jáne kópbalaly otbasyn turǵyn úımen qamtamasyz etý maqsatynda osy ýaqytqa deıin 8 kóppáterli jataqhana paıdalanýǵa berilse, osy maqsatta taǵy 4 jataqhananyń qurylysy júrgizilýde. Ol jataqhanalardyń ishki qurylysy eki bólmeli páterlerden turady. Bir páterdiń jalpy aýdany 35-40 sharshy metrdi quraıdy. Jalpy, búgingi tańda turǵyn úı kezeginde 18565 adam turǵan bolsa, onyń ishinde 1784 kópbalaly otbasy jáne 8593 áleýmettik osal toptarǵa jatatyn azamattar bar.

 

Jambyl oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar