Qoǵam • 28 Qańtar, 2020

Nur-Sultanda tótenshe jaǵdaılar rejımi aıasynda qolǵa alynǵan sharalar baıandaldy

8 retkórsetildi

Aýa raıynyń kúrt ózgerýine baılanysty Nur-Sultan qalasynda tótenshe jaǵdaı rejımi engizildi. Bul oraıda qalanyń qutqarý qyzmetteri elorda turǵyndaryna qaýipsizdik sharalaryn saqtaýdy eskertedi, dep habarlady qala ákimdiginiń resmı saıty.

Búgin Nur-Sultan qalasynyń ákimdiginde ótken baspasóz máslıhatynda kún raıynyń kúrt ózgerýine baılanysty atqarylyp jatqan jumystar baıan etildi. Qazirgi tańda el astanasynda aýa raıynyń qolaısyzdyǵyna baılanysty tas joldar jabylyp, áýe reısteriniń ushýyna shek qoıyldy, 0-11-synyp oqýshylary men kolledjdiń barlyq kýrs stýdentterine sabaq toqtatyldy.

Sondaı-aq zardap shekken turǵyndarǵa kómek kórsetý maqsatynda qutqarýshylar tobynan jasaqtalǵan jedel shtab qurylyp, úsh qaýyrt jeli (24-52-12, 24-51-47, 24-51-71) iske qosyldy. Qalalyq Tótenshe jaǵdaılar departamentiniń basshysy Baýyrjan Syzdyqovtyń aıtýynsha, búginde qar qursaýynan 645 adam qutqarylyp, 133 kólik shyǵaryldy.

«23 qańtardan bastap búginge deıin azamattyq qorǵaýdyń barlyq júıeleriniń kómegimen 645 adam qutqaryldy. Bir qýanarymyz, qaza bolǵan adam joq. Bul úlken jetistik. Sondaı-aq Aqmola oblysyna qarasty eldi mekenderiniń turǵyndaryna kómek kórsetý úshin 32 shaqyrýdy júzege asyrdy, onda 426 adam, onyń ishinde 5 júkti áıel men 36 bala qutqaryldy. Táýlik boıy barlyq júıe jumys istedi. Tótenshe jaǵdaı rejımin engizgennen keıin Nur-Sultan qalasy aýmaǵynda TJ aldyn alý jáne joıý boıynsha memlekettik júıe jumys isteıdi», - dedi ol.

Elorda ákimdigimen TJ kezinde zardap shekkenderdi ornalastyrý úshin 4 qonaq úı daıyndaldy, atap aıtqanda «Jiger», «Ál Qýat», «Nurǵalıev» JK jáne «AIý» hosteli. Qonaqúılerdiń jalpy sany 1000 oryn. Aýdan ákimdikterimen birlesip 11 ÝOP (ýaqytsha ornalastyrý pýnktteri) daıyndaldy. Búgin ÝOP-qa 6 adam ornalastyryldy. Sondaı-aq qala boıynsha 70 jedel medısınalyq járdem brıgadasy jumys isteıdi, onyń ishinde 10 dárigerlik jáne 60 feldsherlik brıgada bar. Qazirgi ýaqytta 8 feldsherlik brıgada (qosymsha brıgada) jumys isteıdi. Sonymen qatar, TJD basshysy aýa raıyna baılanysty jumysyna jete almaı qalǵan turǵyndarǵa «Qazgıdromet» RMK arnaıy anyqtama bere alatyndyǵyn atap ótti.

«Búginnen bastap elordada tótenshe jaǵdaı rejımi engizilgenin umytpaýymyz kerek. Mundaı jaǵdaıda «Qazgıdromet» RMK-da azamattarǵa aýa raıynyń qıyndyǵyna baılanysty jumysyna jete almaı qalǵany jóninde arnaıy anyqtama beretin qyzmeti bar. Kez kelgen qala turǵyny bul anyqtamany alyp, basshylyǵyna ótkize alady. TJ rejımi engizilgen jaǵdaıda azamat óz erkimen jumysqa shyǵa almaıdy, bul rette mundaı sheshimdi TJ joıý basshysy qabyldaıdy. Buǵan zańdy negiz bar», - deıdi Baýyrjan Syzdyqov.

«Qazgıdromet» RMK Aýa raıyn qysqa merzimge boljaý basqarmasynyń basshysy Alýa Sahanovanyń aıtýynsha, 27 qańtarda jaýyn-shashynnyń mólsheri aılyq normadan úsh ese artyq túsken.

«Al 28 qańtarda qala aýmaǵynda kún bultty, qar jaýyp, boran soǵady, ońtústik-batystan, batystan 9-14 m/s jel soǵady. Aýa temperatýrasy túnde -18-20°S jáne kúndiz -8-10°S bolady», - deıdi Alýa Sahanova.

Aıta ketsek, «112» shuǵyl telefon qyzmetine 23 qańtardan bastap 25 623 qońyraý kelip tústi, onyń ishinde 6290 qońyraý (75%) tas joldardyń ashylýy/jabylýy, avtojoldardyń jaı-kúıi týraly boldy. Odan bólek, qala ishinde jáne tasjolda TJ departamentteri 74 baǵytta patrýldeý uıymdastyrdy. Olar arnaıy tehnıkanyń kóshelerdi jyldam tazartýyna kómektesedi.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar