Aımaqtar • 28 Qańtar, 2020

Aqtóbe oblysynda AÁK taǵaıyndaý tetikteri júıeli túrde júzege asyp jatyr

58 retkórsetildi

2020 jyldyń 1 qańtarynan bastap elimizde ataýly áleýmettik kómek (AÁK) taǵaıyndaýdyń jańa tetikteri men formattary engizilgeni málim. Osyǵan oraı birqatar jańa zańnamalyq aktide qoldanysqa kirgeni belgili. Endigi kezde jergilikti ókiletti organdar AÁK tóleýge qatysty ózgeristerdi júıeli túrde júzege asyrýy qajet bolyp otyr. Bul turǵyda Aqtóbe aımaǵynda jandy is-qımyl aıqyn baıqala bastaǵanyn aıtqan jón.

Onyń basy-qasynda júrgen Aqtóbe oblystyq Jumyspen qamtý jáne áleýmettik baǵdarlamalardy úılestirý basqarmasy áleýmettik máni men mańyzy joǵary jańa isti ótken 2019 jyldyń 31 jeltoqsanyna deıingi AÁK berýdiń jaı-kúıine taldaýlar men saraptaýlar jáne salystyrýlar jasaýdan bastap otyr.

Atap aıtqanda, bul kezde óńirde AÁK alýshylar arasyndaǵy eńbekke qabiletti azamattar jumyspen qamtýdyń belsendi sharalaryna tartylypty. Olardyń qataryn turaqty jumysqa ornalasqandar men aqyly qoǵamdyq qyzmetke joldanǵandar jáne áleýmettik jumys oryndary men jastar praktıkasyna jiberilgender quraıdy. Sonymen birge osy aralyqta oblysta jańa kásibı mamandyqtarǵa ázirleý úshin qysqa merzimdi kýrstar uıymdastyrylǵan.

Ataýly áleýmettik kómek berýge qatysty bıyl qoldanysqa engizilgen ózgerister nóldik sıkldan bastalmaǵany belgili. Sondyqtan atalǵan basqarmanyń sarapshy mamandary aldynǵy jyldarda jınaqtalǵan tájirıbeniń tıimdi ári paıdaly tustaryn AÁK-tiń jańa formaty jaǵdaıynda da odan ári paıdalana bergendi jón sanaıdy.

Sonymen birge byltyr óńirde osy oń qorytyndy isterge kereǵar jaıttar da bolǵanyn jasyryp qalýdyń eshqandaı jóni joq. Bul birqatar AÁK alýshynyń óz tabystaryn jasyrý formaldy túrde jumystan shyǵý jáne jalǵan neke buzý sekildi teris is-áreketterge jol berý derekteri bolyp otyr. Anyqtalǵan tizim Eńbek jáne halyqty áleýmettik qorǵaý mınıstrligi janyndaǵy «Eńbek resýrstaryn damytý ortalyǵyna» jınaqtalǵan. Osy tizimge sáıkes oblysta kiristeri men shyǵystarynyń arasynda aıyrmashylyǵy bar AÁK alýshylarmen jeke túsinik jumystary júrgizilgen. Ári osy turǵyda ońasha kezdesýler ótkizilgen.

Sonyń nátıjesinde kiristerin jasyrǵan 1505 otbasyǵa tólem tóleý toqtatylyp, 1754 otbasyǵa qaıta esepteýler júrgizildi. Al 229 otbasyǵa taǵaıyndalǵan tólem naqtylaý barysynda dáleldenbegendikten ózgerissiz qaldyryldy. Sóıtip, joǵaryda atalǵan jumystardyń nátıjesinde jalpy sany 61 otbasyǵa 51,1 mıllıon teńge artyq ári negizsiz tólengeni anyqtalyp, bıýdjetke keri qaıtaryldy. Sonymen qatar oblys boıynsha 2018 jyly bir mıllıonnan on mıllıon teńgege deıin kirisi bar 143 jeke kásipker AÁK alýshylar qatarynyń bel ortasynan oryn alypty.

Arnaıy qurylǵan komıssııa olardyń áleýmettik-turmys jaǵdaılaryna qaıtadan tekserý júrgizip, kiristeri men tabystarynyń mólsherin anyqtady. Sonyń arqasynda on segiz otbasydan eki mıllıon teńgeden astam qarajat bıýdjetke keri qaıtaryldy. AÁK taǵaıyndaýdyń bıyl qoldanysqa engizilgen jańa formaty jaǵdaıynda mundaı «áttegen-aılardan» tıisti sabaq ala bilý qajettiligi eriksiz týyndaıdy.

Bul maqsatta bıylǵy jyldyń basynda oblysta AÁK berý máselelerine ashyqtyq pen jarııalylyq qaǵıdattaryn ornyqtyrý úshin jańa aımaqtyq jumysshy toby quryldy. Onyń quramyna Kirister jáne Ishki ister men Ádilet departamentteri, prokýratýra organdary, Densaýlyq saqtaý men Aýyl sharýashylyq basqarmalary jáne Aqsaqaldar alqasy men Úkimettik emes uıymdar ókilderi engizilgen.

Sonymen birge oblystyń barlyq aýdanynda ýchaskelik komıssııalardyń quramy qaıta qaralyp, jasaqtaldy. Qazirgi kúni 161 ýchaskelik komıssııa óz jumystaryn oıdaǵydaı júrgizip keledi. Sóıtip, jańa tetik jaǵdaıynda ótken jyldary bolǵan teris is-áreketterge jol bermeýdiń múldem jańasha tyń joldary belgilendi. Bıyl jańadan qolǵa alynǵan isterdiń ekinshi bir tarmaǵy jumysy joqtyq - masyldyqqa sebebin tıgizbeýi turǵysynan tamyr tartady.

- Soǵan sáıkes barlyq shartty aqshalaı alýshylarǵa áleýmettik kelisimsharttar toltyryldy. Ári olardy jumyspen qamtýdyń belsendi sharalaryna tartý úshin aqparattyq júıege engizý jumystary júrgizildi. Buǵan qosa AÁK alýshylardyń kiristerine assıstentter tarapynan aı saıyn monıtorıngtik zertteýler jasaý tártibi qolǵa alyndy. Buǵan qosa oblysta ataýly áleýmettik kómekke qaıta esepteý jumystary júrgizildi, - deıdi Aqtóbe oblystyq Jumyspen qamtý jáne áleýmettik baǵdarlamalar basqarmasynyń basshysy Bulbul Eleýsinova.

Taǵy bir atap ótetin másele, bıyldan bastap ótinish berýshiniń materıaldyq jaǵdaıyn tekserý qorytyndysy boıynsha memleket tarapynan taǵaıyndalatyn ataýly áleýmettik kómekke muqtajdyǵyn anyqtaý krıterııi belgilendi dedi ol budan ári. Sondaı-aq, onyń aıtýynsha, ýchaskelik komıssııalardyń quramy túgeldeı qaıta jańǵyrtylyp, olarǵa zańnamalyq quqyqtar bekitilgen.

Biz búgingi kún taqyrybyna jazylǵan osy materıalymyzdy óndiriske ázirleý kezinde Aqtóbe oblysy ákiminiń orynbasary Marat Toǵjanovqa da jolyqqan edik. Ol da bıyldan bastap ýchaskelik komıssııalardyń qyzmetine zor senim artylyp, úlken jaýapkershilik júktelgenin atap kórsetti. Olar ár apta saıyn AÁK-ke muqtaj otbasylardyń jaı-kúıimen tolyqtaı tanysyp, kiristeri men shyǵystaryn sarapqa salýda.

Joǵaryda aıtylyp ótkendeı, buǵan deıingi jyldarda AÁK berý isinde adamdyq faktor da, sybaılastyq sıpatyndaǵy kórinister de ári birqatar túsinispeýshilik deregi de kezdeskeni málim. AÁK taǵaıyndaýdyń jańa tártibi men tetikteri mundaı zańsyzdyqtardyń jolyn kese alady deýge tolyq negiz bar.

Mine, Aqtóbe aımaǵynda ataýly áleýmettik kómek kórsetýge qatysty qolǵa alynǵan isterdiń keıbir mysaldary men ıirimderi osyndaı.

 

AQTО́BE

Sońǵy jańalyqtar

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar