Rýhanııat • 28 Qańtar, 2020

Taıjarystan oza shapqan ónerpazdar marapattaldy

47 retkórsetildi

Almatyda mektep oqýshylary men kolledj stýdentteri  arasynda «Taıjarys-Talant» qoǵamdyq qorynyń uıymdastyrýymen «SCENE OF ART`S» baıqaýy ótti.

Almaty qalasy «Rýhanı jańǵyrý» jobalyq ofısi mamandary bul baıqaýdyń ulttyq qundylyqtardy nasıhattaý, óskeleń urpaq boıyna otansúıgishtikti darytýymen erekshelenetindigin atap ótti. Baıqaýda jas talanttar án aıtý, bı bıleý jáne de ınstrýmentaldy nómirlerimen erekshelendi. Olardyń qatarynda qoldanbaly óner sheberleri de bar.

Baıqaýda ónerpazdar oryndaǵan nómirler kópshilikke kóterińki kóńil-kúı syılap, qazylar alqasynyń joǵary baǵasyn aldy. Qazaq radıosynyń jýrnalısi, «Taıjarys-Talant» qoǵamdyq qorynyń prezıdenti Gúlbaǵysh Bostan baıqaýǵa qatysqan árbir ónerpazdyń boıynda ánge, bıge, shyǵarmashylyqtyń ózge de túrlerine degen yntasy, yqylasy sahnadaǵy árbir qoıylymǵa erekshe serpin berip, árbir obrazdy joǵary deńgeıde oryndady dep atap ótti. Osy oraıda S.Maıǵazıevtiń «Smart» óner mektebiniń, sondaı-aq A.Baıtursynov atyndaǵy №139 gımnazııa oqýshylarynyń Bolat Mamytbekovtyń jetekshiligimen Sh.Aıtmatov shyǵarmasynyń jelisi boıynsha sahnalaǵan «Máńgúrt» dramalyq qoıylymyn erekshe atap ótýge bolady.

Osy baıqaýda oza shaýyp, taıjarystyń Bas júldesine «Kókil» ansambli ıe bolsa, tórt jas pen jeti jas aralyǵyndaǵy baıqaýda «Aıgólek» bala baqshasynyń tárbıelenýshisi, «Smart» óner mektebinen  qatysqan 4 jasar Káýsar Serik «Qazaq eli» ánin shyrqap I orynǵa ıe boldy. Al jas dombyrashylar arasynda  «Serper» toby men «Dáýsary» toby I oryndy enshilep, joǵary toptan I oryndy «Qarlyǵash» qobyzshylar toby qanjyǵasyna baılady.

3

P.Chaıkovskıı atyndaǵy mýzykalyq mekteptiń fortepıano klasynyń ustazy, halyqaralyq baıqaýlardyń laýreaty Dına Bazarova, «Saltanat» bı ansambliniń bıshisi, «Daryn» jastar syılyǵynyń laýreaty  Janna Makısheva, ««Smart» óner  mektebiniń jetekshisi Álııa Saparqyzy, «Bibi Studio» jetekshisi Bıbigúl Esimbaeva syndy qazylar alqasynyń quramynda bolǵan kásibı mamandar jas ónerpazdardyń ónerine tánti bolyp, shyǵarmashylyq qadamdaryna sáttilik tiledi.

 

 

ALMATY

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar