Qazaqstan • 28 Qańtar, 2020

«Aýshvıs – Bırkenaý» konslageriniń bosatylýynyń 75 jyldyǵyna arnalǵan eske alý sharalary ótti

65 retkórsetildi

Polshanyń Osvensım qalasynda nasıstik ólim konslageriniń «Aýshvıs – Bırkenaý» azat etilýiniń 75 jyldyǵyna arnalǵan eske alý sharalary ótti. Bul is-sharalarǵa onyń burynǵy tutqyndary, 56 memlekettiń jáne 6 halyqaralyq uıymnyń delegasııalary, dıplomattar, sýretshiler, kóptegen eldiń qoǵamdyq uıymdarynyń ókilderi qatysty. Bul týraly SIM baspasóz qyzmeti habarlady.

Is-sharaǵa Qazaqstan Respýblıkasy Syrtqy ister mınıstriniń orynbasary Marǵulan Baımuhan bastaǵan qazaqstandyq delegasııa qatysty. 

Osvensım saltanaty Polsha Prezıdenti Andjeı Dýdanyń qamqorlyǵymen uıymdastyryldy. Is-sharanyń basty qonaqtary - konslagerdegi tiri qalǵan tutqyndar aldaǵy ýaqytta mundaı oqıǵa qaıtalanbas úshin ózderiniń basynan keshkenderi týraly aıtýdy ózderiniń mindeti dep sanaıdy. Estelikterdiń aýyrlyǵyna qaramastan, olar jyl saıyn derlik Osvensımge nasısterdiń qorqynyshty qylmystary týraly kýálik etýge keledi. Konsentrasııalyq lagerde qaza tapqandarǵa arnalǵan eskertkishtiń janynda jerleý rásimi jáne túrli konfessııalar ókilderiniń duǵalary ótti. 

«Aýshvıs – Bırkenaý» (Osvensım) - eń úlken jáne uzaq jumys istegen nasıstik qurbandyqtardyń lageri, sondyqtan ol Holokosttyń basty belgileriniń birine aınaldy. 1941-1945 jyldary Osvensımde 1,4 mıllıonǵa jýyq adam, onyń ishinde 1,1 mıllıonǵa jýyq evreı qaıtys bolǵan. Lager 1945 jyly 27 qańtarda marshal Konevtiń basqarýyndaǵy áskerlermen bosatyldy. 1947 jyly burynǵy fashıstik konsentrasııalyq lager «Osvensım - Bırkenaý» ornynda mýzeı quryldy. 1979 jyly ol IýNESKO-nyń búkilálemdik mura tizimine engizildi. 

27 qańtar - Lagerdi bosatý kúni - BUU Bas assambleıasynyń sheshimimen 2005 jyly Halyqaralyq Holokostty eske alý kúni bolyp jarııalandy.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar