Álem • 28 Qańtar, 2020

Japonııada avtobýs júrgizýshisi koronavırýs juqtyrǵan

280 ret
kórsetildi
1 mın
oqý úshin

Búgin Japonııa bıligi Qytaıdan taraǵan indetti juqtyrǵan taǵy eki adamdy anyqtady. Bul týraly Kyodo aqparat agenttigi habarlady.

Japonııada avtobýs júrgizýshisi koronavırýs juqtyrǵan

Foto: Kyodo News Agency

Vırýsty juqtyrǵan avtobýs júrgizýshisi jaqyn arada Ýhan qalasynda ne Qytaıda bolmaǵany anyqtalǵan.

Japonııanyń Densaýlyq saqtaý mınıstri Kasýnobý Katonyń aıtýynsha, 60-tar shamasyndaǵy japon azamaty aı basynda Ýhan qalasynan qydyryp kelgen týrıster otyrǵan avtobýsty júrgizgen eken. Japonııanyń Nara aımaǵynda turatyn naýqas pnevmonııa belgilerimen aýrýhanaǵa senbi kúni jetkizilgen. 

Sońǵy derekterge sáıkes, Japonııada koronavırýs juqtyrǵan 6 adam anyqtalǵan.

Sondaı-aq pnevmonııa belgilerimen dárigerler kómegine júgingen ekinshi naýqas - 40 jastaǵy er adam Ýhannan Japonııaǵa 20 qańtarda kelgen.

Mınıstrdiń aıtýynsha, sońǵy anyqtalǵan eki adammen baılanysta bolǵandar da medısınalyq tekserýden ótip jatyr.