28 Qańtar, 2020

Qazaqstanda koronavırýstyq ınfeksııanyń aldyn alý boıynsha sharalar keshenin qabyldadyq - mınıstr

25 retkórsetildi

Búgin Úkimette ótken baspasóz konferensııasynda Densaýlyq saqtaý mınıstri Eljan Birtanov Qazaqstanda koronavırýs ınfeksııasynyń tasymaldanýynyń jáne taralýynyń aldyn alý boıynsha qabyldanyp jatqan sharalar kesheni týraly aıtyp berdi, sondaı-aq jýyrda QHR-dan kelgen qazaqstandyqtarǵa qatysty birqatar usynystar aıtty.  Bul týraly Premer-Mınıstrdiń baspasóz qyzmeti habarlady.

Búgingi tańda QHR-da 30 provınsııada 4515 jańa koronavırýsty pnevmonııamen syrqattaný oqıǵasy tirkelip, naqtylandy, onyń ishinde 106 jaǵdaı adam ólimimen aıaqtaldy. 

Hýbeı provınsııasynyń 15 qalasynda karantın engizildi, turǵyndarǵa qaladan ketýge tyıym salyndy, avıareısterdiń, avtobýstar men poıyzdardyń kelýi men ketýi toqtatyldy.

Álemde 15 elde koronavırýstyń jańa túrimen aýrýdyń 60 rastalǵan jaǵdaıy tirkelgen.

Densaýlyq saqtaý mınıstriniń aıtýynsha, 6 qańtarda bas memlekettik sanıtarııalyq dárigerdiń Qazaqstanda ınfeksııanyń taralýyn boldyrmaý maqsatynda sanıtarlyq baqylaýdy kúsheıtý týraly qaýlysy qabyldandy.

Birinshi kezekte, áýejaılar men vokzaldarda sanıtarlyq baqylaý sharalary kúsheıtildi, koronavırýstyń el aýmaǵyna enýine jáne taraýyna qarsy is-qımyl sharalary qabyldanýda.

«6 qańtardan bastap Qytaıdan kelgen barlyq azamattardy tekserý júrgizilýde, onyń ishinde tekserý jylý ólshegishi arqyly júrgizilýde. Temperatýrasy bar barlyq adamdarǵa saýalnama toltyrylyp, olar turǵylyqty jeri boıynsha esepke qoıylady», - dedi mınıstr.

Búgingi tańda QHR-dan 25858 adam keldi, bul Qazaqstan azamattary men shetel azamattary. Barlyq derekter Densaýlyq saqtaý mınıstrligine jáne odan ári baqylaý komıteti (QR DSM taýarlar men qyzmetterdiń sapasy men qaýipsizdigin baqylaý komıteti) arqyly turǵylyqty jeri boıynsha tekserýler, azamattarmen baılanystar júrgiziledi.

«Kelýshilerdiń arasynda JRVI belgileri bar adamdar boldy. Qazirgi tańda temperatýrasy joǵary 23 jolaýshy keldi, onyń ishinde tórteýi JRVI-ınfeksııasyna kúdikpen aýrýhanaǵa jatqyzyldy. Vırýsty ınfeksııalar arasynda aıqyn aıyrmashylyq joq bolǵandyqtan, biz JRVI-ǵa kúdiktenýmen emdeýge jatqyzamyz. Aýrýhanaǵa jatqyzylǵandardan barlyq qajetti qan analızderi alyndy. Úsh táýlik ishinde egjeı-tegjeıli dıagnostıka júrgiziledi. Tıisti em bastaldy», — dep túsindirdi E. Birtanov.

Vedomstvo basshysynyń aıtýynsha, eger jappaı taraý oryn alatyn jaǵdaı bolsa, burynnan bar tósek oryndaryna qosymsha 4,5 myńnan astam tósek orny bar.

«Barlyq óńirler boıynsha oqý-jattyǵý jumystary ótkizildi, medısınalyq qyzmetkerler arasynda qosymsha oqytý júrgizilip jatyr. Úkimet rezervinen pasıentterdiń nemese ınfeksııaǵa kúdikti adamdardyń sany artqan jaǵdaıda qosymsha qarjylandyrýǵa tapsyrys beremiz. Mundaı jaǵdaılarda qabyldanatyn jeke qorǵaný quraldary, dezınfeksııalyq quraldar men medısınalyq quraldar qosymsha satyp alynatyn bolady. Medısınalyq kómek kórsetý úshin barlyq qajetti resýrstar bar, dári-dármekterdiń, medısınalyq maqsattaǵy buıymdardyń qosymsha qory bar», — dep túsindirdi mınıstr.

Sonymen qatar, E. Birtanov Qytaıdan kelýshi Qazaqstan azamattaryna keńes berdi.

«Sońǵy 14 kún ishinde QHR-dan, sondaı-aq shektes elderden kelgen barlyq azamattar turǵylyqty mekenjaıy boıynsha emhanaǵa kelip nemese qońyraý shalyp, dárigerlerge tirkelip, densaýlyǵynda qandaı da bir problemalar bar bolsa habarlaı alady. Bul azamattardyń jeke qaýipsizdigi úshin qajet, bizdiń medısına salasynyń mamandary densaýlyq nasharlaǵan jaǵdaı bolyp jatsa, sizdi jáne sizdiń otbasyńyzdyń múshelerin qaýipsizdendire alyp, sharalar qabyldaýy úshin baqylaý júrgizýi tıis», — dep túıindedi E. Birtanov.

Aıta ketý kerek, qazirgi ýaqytta Qazaqstan Respýblıkasynda aýyrý jaǵdaılary tirkelmegen. QHR-men memlekettik shekara arqyly ótkizý pýnktterinde 19 990 adam qaraldy.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar