Parlament • 28 Qańtar, 2020

Senatorlar koronavırýstyń taralýyna jol bermeý máselesin kóterdi

20 retkórsetildi

Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Shanhaı yntymaqtastyq uıymynyń ekstremızmge qarsy is-qımyl jónindegi konvensııasyn ratıfıkasııalaý týraly» zań jobasy qaraldy. Bul týraly Parlament Senatynyń baspasóz qyzmeti habarlady.

Konvensııaǵa Shanhaı yntymaqtastyq uıymy memleketteri basshylarynyń Keńesinde 2017 jylǵy 9 maýsymda Astana qalasynda qol qoıylǵan bolatyn.

Konvensııanyń mindeti ShYU-na múshe memleketterdiń aldyn alý qyzmeti, ekstremızmge qarsy birlesken is-qımyl, quqyqtyq kómek kórsetý, sondaı-aq taraptardyń zańnamalaryn birizdendirýge yqpal etý salasyndaǵy ózara is-qımyl tetikterin bekitý bolyp tabylady.

Sottalǵandardy ustap berý jáne quqyqtyq kómek kórsetý máseleleri retteledi, Konvensııada qamtylatyn qylmystardyń eń bolmasa bireýin jasaý nátıjesinde alynǵan jeke nemese zańdy tulǵanyń múlkin, sondaı-aq qylmys jasaý qarýlary nemese quraldary retinde nemese osy Konvensııada qamtylatyn is-áreketterdiń birin qarjylandyrý úshin paıdalanýǵa arnalǵan múlikti tutqyndaý jáne tárkileý kezindegi memleketterdiń yntymaqtastyǵy týraly ereje bekitiledi.

Konvensııada járdem berý týraly suraý salýlar jasaýǵa, olardyń nysandaryna, jiberý tártibine qoıylatyn talaptar belgilengen. Aqparattyq ózara is-qımyl sapasyn arttyrý maqsatynda Konvensııada kidirtilmeıtin jaǵdaılarda suraý salýdy aýyzsha berý múmkindigi, biraq 72 saǵattan keshiktirmeı suraý salýdy jazbasha rastaı otyryp berý múmkindigi týraly ereje qamtylǵan.

Senator Nurjan Nursıpatov qaralyp otyrǵan Konvensııanyń negizgi maqsaty – qatysýshy memleketterdiń ekstremızmge qarsy is-qımyl yntymaqtastyǵynyń tıimdiligin arttyrý ekenin atap ótti. Ekstremızmniń aýmaqtyq shekarasy joq ekeni jáne halyqaralyq qoǵamdastyq ózara áriptestik is-qımyl aıasynda birlesken kúsh-jigermen ekstremızm men onyń qaýipti kórinisterine tıimdi qarsy tura alatyny aıtyldy.

Onyń aıtýynsha, Konvensııada yntymaqtastyqtyń qaǵıdalary men sıpattary, sondaı-aq taraptardyń osy halyqaralyq shartta qamtylǵan qylmystarǵa qatysty ıýrısdıksııasy aıqyndalady.

Senatorlar «Tunshyqtyratyn, ýly nemese basqa da osylarǵa uqsas gazdar men bakterıologııalyq quraldardy soǵysta qoldanýǵa tyıym salý týraly hattamany ratıfıkasııalaý týraly» zań jobasyn da qarady.

Zań jobasy 1925 jylǵy 17 maýsymda Jenevada qol qoıylǵan Tunshyqtyratyn, ýly nemese basqa da osylarǵa uqsas gazdar men bakterıologııalyq quraldardy soǵysta qoldanýǵa tyıym salý týraly hattamany ratıfıkasııalaýdy kózdeıdi.

Hattamanyń maqsaty tunshyqtyratyn, ýly nemese basqa da osylarǵa uqsas gazdardy, sol sııaqty ártúrli osyǵan uqsas suıyqtyqtardy, zattardy jáne prosesterdi, sondaı-aq bakterıologııalyq soǵysty júrgizý quraldaryn soǵysta qoldanýǵa tyıym salýdy belgileý bolyp tabylady.

Qazaqstannyń Bakterıologııalyq jáne hımııalyq soǵysty júrgizý quraldaryna tyıym salýda jalpyǵa birdeı saıasatty qalyptastyrý jónindegi hattamaǵa qatysýshy memlekettermen yntymaqtastyqta Hattamanyń mańyzy zor.

Hattamanyń mindeti hımııalyq qarýdy qoldanýǵa tyıym salýdy rastaý jáne bakterıologııalyq quraldardy soǵysta qoldanýǵa tyıym salýdy halyqaralyq quqyqtaǵy negizgi ereje retinde belgileý bolyp tabylady.

Halyqaralyq qatynastar, qorǵanys jáne qaýipsizdik komıtetiniń múshesi Dana Nurjigitova Qazaqstannyń hımııalyq jáne bıologııalyq qaýipsizdikke baılanysty halyqaralyq quqyqtyq mindettemelerdi tolyq tanýy Hattamany ratıfıkasııalaý ekenin atap ótti jáne «bizdiń elimizdiń jappaı qyryp-joıatyn qarýdy taratpaý salasyndaǵy syndarly saıasatyn rastaýǵa qyzmet etedi», - dedi.

Komıtet músheleri Hattamany qaraý barysynda koronavırýstyń Qazaqstan aýmaǵyna taralýyna jol bermeý jáne QHR-daǵy, onyń ishinde Ýhan qalasyndaǵy qazaqstandyq stýdentterge kómek kórsetý jónindegi memlekettik organdar qabyldaǵan sharalar týraly máselelerdi kóterdi.

Zań jobalary Palatanyń qaraýyna berildi.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar