Qoǵam • 29 Qańtar, 2020

Otanymnyń bir kirpishi bolyp qalansam armanym joq

30 retkórsetildi

Prezıdent Qasym-Jomart Toqaev qyzmetke kiriser aldyndaǵy ulyqtaý rásiminde elimizdi damytýda jastar áleýetiniń erekshe ekenin aıtyp, «Prezıdenttik jastar kadrlyq rezervin» jasaqtaý máselesin alǵash kótergen bolatyn. 27 tamyzda Prezıdenttik jastar kadr rezervin jasaqtaý týraly Prezıdent Jarlyǵy shyǵyp, ulttyq komıssııa quryldy. Bul Elbasy Nursultan Nazarbaev bekitken Jastar jylyna arnalǵan eń mańyzdy aıryqsha bastama boldy. Jalpy Prezıdenttik jastar kadr rezervine enýge arnalǵan baıqaý 6 kezeńnen turdy.

Jalpy konkýrstyq kezeńder qa­ty­sý­shylardyń tómendegi quzy­ret­tilik kórsetkishteri boıynsha: taldaý jáne sheshim qabyldaý, jumys barysyn basqarý, kóshbasshylyq, jańashyldyq jáne ózgeristerdi basqarý, sendire bilý, shyǵarmashylyq, synı oılaý baǵyttary Memleket basshysy jolǵa qoıyp otyrǵan «Halyq únine qulaq asatyn memleket» tujyrymdamasyna negizdeledi dep oılaımyn. Bul quzy­ret­tilikter rezervshilerdiń ha­lyq­pen etene jumys isteý, sonymen birge elimizdiń áleýmettik-ekonomıkalyq má­selelerdi sheshý qabiletine saı ja­salǵan.

 Bul jobanyń úlken artyqshylyǵy eli­mizdegi kadr tańdaýdaǵy eski úr­dis­ten ada bolýy. Atap aıtqanda, buryn joǵary laýazymdy qyzmetke qoıý úshin aldymen tómengi mekemeler óz kandıdattaryn usynatyn jáne birneshe konkýrstyq kezdesýlerden keıin qajetti tulǵa tańdap alynatyn. Shyny kerek, osy oraıda tamyr-tanystyq jáne sybaılas jemqorlyq faktileri kezdesip jatatyn. Al qazirgi jańa jobanyń ár kezeńinde ádildik, ashyqtyq, shynaıy baǵalaý belgileri aıqyn kórindi. Osy joba tetigin je­til­­dirip jáne beıimdep elimizdegi kez kelgen salada qyzmetker tańdaýǵa qol­dansa óte tıimdi bolady.

Men Prezıdenttik kadr rezerviniń múshesi retinde ál-Farabı atyndaǵy QazUÝ rektory Ǵalymqaıyr Mutan­ul­ynyń jeke qabyldaýynda bolyp, onyń ýnıversıtet janynan qurylyp jatqan, qazirgi ǵalamdyq ǵylymnyń damýyndaǵy eń mańyzdy salanyń biri bıomedısına salasyn elimizde damytýǵa baǵyttalǵan Bıomedısına ǵylymı-zertteý ortalyǵynyń dırektory qyzmetine taǵaıyndaldym. Bıomedısınany elimizde damytý týraly Elbasy Nursultan Nazarbaev 2018 jylǵy Joldaýynda ósýdiń basym baǵyttary retinde ınnovasııalyq jáne servıstik sektorlardy damytýǵa erekshe kóńil bólý jón ekendigin, onyń ishinde, eń aldymen, «bolashaqtyń ekonomıkasynyń» balamaly energetıka, jańa materıaldar, bıomedısına, úlken derekter, zattar ınterneti, jasandy ıntellekt, blokcheın jáne basqa da baǵyttaryn ilgeriletýdi qamta­masyz etý qajet ekendigin aıt­qan bolatyn.

 Negizinde men konkýrsqa elimizdiń aýyl sharýashylyǵy salasyn damytý jáne ony jańa beleske kóterý maqsatyndaǵy «Qazaqstannyń bola­shaq fermerleri» dep atalatyn jobamdy SWOT taldaýǵa negizdele otyryp elimizdegi aýyl sharýashylyǵy salasyna ǵylymı tehnıkany engizý, halyqqa aýylsharýashylyq salasy boıynsha aǵartý jumystaryn júrgizý, osy sala boıynsha tele-radıo keshenin ashý sekildi ıdeıalarymdy usynǵan edim. Ekinshiden, konkýrs­tan ótken soń elimizdiń soltústik aımaqtaryn damytý jáne qazaq kóshin sol jaqqa burýǵa muryndyq bolý oıymda bolǵan. Bolashaqta osy salada ja­ýapty jumys istegim keledi. Sebebi bul elimizdiń strategııalyq mańyzdy máseleleriniń biri bolyp otyr. Men táýelsiz Qazaqstannyń kóshi-qon saıasatynyń jemisimin. 2005 jyly atajurtqa keldim. Osy kúnge deıin ilikke alatyn bir jetistikke jetken bolsam, ol áýeli Jaratýshynyń, sosyn tárbıelep ósirgen ata-anam­nyń, otbasylyq qoldaýdyń arqasy. Árıne, bunyń bári ishki jáne genetıkalyq, áleýmettik faktorlar. Al osy ishtegi aqyl-oı dániniń búr jarýyna tamasha orta boldy. Ol meniń táýelsiz Otanym, Uly dalada ómir súrip, mań­daıym­nan sıpaǵan atajurttaǵy qara orman halqym. Elbasy Nursultan Nazarbaevtyń tikeleı bas­ta­­ma­shy­ly­ǵy jáne jolǵa qoıǵan óte tıimdi saıa­satynyń arqa­syn­da 1997 jyly sol kezdegi el aǵa­la­ry­nyń eń­begimen «Ha­lyqtyń kóshi-qony týraly» zańy qa­byl­­danyp, shetelden mıllıonnan astam qandas bul kúnde elge oraldy. Alǵysym sheksiz! Ásirese syrttan kelip qazaqstandyq joǵary oqý oryn­darynda bilim alǵan jastar búgin­de elimizdiń ár salasynda aıanbaı eńbek etýde. Men de sonyń birimin. Men úshin úlken jetistik – táýelsiz Ota­ny­ma Abaı atamyz aıtqandaı, «bir kir­pish bolyp qalaný».

 

Álibek YDYRYSULY,

Ál-Farabı atyndaǵy QazUÝ Bıomedısına ǵylymı-zertteý ortalyǵynyń dırektory

 

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar