Qoǵam • 29 Qańtar, 2020

Máselelerdi birigip talqylady

11 retkórsetildi

Ulttyq akademııalyq kitaphanada Má­de­nıet jáne sport mınıstri Aqtoty Raıymqulova Prezıdent janyn­daǵy Ulttyq qoǵamdyq senim keńesi múshe­lerimen, mınıstr­likke qaras­ty mádenıet, sport jáne óner qaırat­kerlerimen kezdesti.

«Prezıdent janyndaǵy Ulttyq qoǵam­dyq senim keńesi músheleriniń usynystaryn tal­qylaý maqsatynda jınalyp otyrmyz. Usynystardy talqylaýdy biz ótken jyldyń 12 qa­zanynda bastaǵanbyz. Sol otyrystaǵy usy­­nystaryńyz eskerilip, mınıstrlikke ba­ǵy­nysty uıymdar birqatar sharýalar at­qardy. Sonyń biri – mınıstrlik janynan qu­rylǵan Mádenı saıasat jónindegi keńes já­ne Rýhanı kóshbasshylar qory. Bul da siz­derdiń usynystaryńyz edi», dedi mınıstr. A.Raıymqulova bıyl keń aýqym­da ótetin sha­ralardyń qatarynda Abaıdyń 175 jyldyq mereıtoıyn atap, soǵan sáıkes bıyl 500-den asa túrli shara­lardyń uıymdastyrylatynyn jet­kizdi. Sondaı-aq ál-Farabıdiń 1150 jyl­­­dyǵy aıasynda Damask jáne Nur-Sultan qa­la­­larynda eleýli sharalar ótetinin aıtty. Mı­nıstr respýblıkalyq mádenıet uıymdary qyzmetkerleriniń laýazymdyq jalaqysy 50 pa­ıyzǵa, aımaqtyq uıym qyzmetkerleriniń ja­laqysy 35 paıyzǵa óskenin de atap ótti.

Basqosýda Mádenıet jáne sport mınıstr­­li­­giniń atynan «Adaldyq alańy» jobalyq keń­se­siniń qyzmeti men maqsaty, 2020 jyl­ǵa ar­nalǵan jospary jaıynda sol jo­ba­nyń je­tek­shisi Marat Qamzoldaev baıan­da­ma jasady. Memleket basshysynyń alǵa qoıǵan mindeti negizinde buqaralyq spor­tty damytý týraly Sport jáne de­ne shynyqtyrý isteri komıtetiniń tór­­aǵasy Serik Sápıevtiń, «Qazaq tiliniń latyn grafıkasyna kezeń-kezeńimen kóshý máseleleri» degen taqyrypta Til saıasaty komıtetiniń tór­aǵasy Ǵalymjan Mel­deshovtiń baıandamalary tyńdaldy.

Basqosý barysynda belgili kompozıtor Altyn­bek Qorazbaev «Adaldyq alańyna» Qazaq­stan avtorlar qoǵamynyń arasyndaǵy daýdy mámilemen sheshý jaıly usynys tas­­tady. Qoǵamnyń burynǵy jáne qazirgi bas­shylarynyń arasyndaǵy daý-damaıdyń ór­ship turǵany belgili. Kompozıtor osy iske «Adal­dyq alańynyń» aralasýyn qalaıdy. Atal­ǵan mınıstrlik ókilderi de bul daýdyń eki jaqtyń mámilege kelýimen aıaqtalýyn qup­taıtyndyqtaryn ańǵartty.

Respýblıkalyq salalyq mádenıet, sport jáne aqparat qyzmetkerleri kásipodaǵynyń tóraǵasy, Ulttyq qoǵamdyq senim keńesiniń múshesi Svet­lana Imanqulovanyń da usy­nysy erekshe boldy. «Oblystardaǵy máde­­nıet basqarmalary ákim­dikterdiń qarama­ǵynda. Olarǵa bir sharýa aıtsań, «biz ákim­dikke qaraımyz» dep jaýap beredi. Eger jer­gilikti jerlerdegi mádenıet basqar­ma­lary, depar­tamentteri túgeldeı mádenıet mınıstrligine qaraıtyn bolsa, bizdiń júıe­mizdiń jumysy jaq­sarar edi», dedi ol.

Jalpy jıyn barysynda basqa da birqatar usynystar talqylanyp, mınıstrlik ókilderi tarapynan qaperge alyndy, qaǵazǵa tústi.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar